Ni umukino watangiye harenzeho iminota umunani ku masaha yari ateganijwe, gusa habanje gufatwa umunota wo kwibuka umubyeyi wa Nahimana Shassir wa Rayon Sports wari waraye yitabye Imana kuri uyu mugoroba.

Rayon Sports ubwo yatsindaga igitego ku munota wa 18 w’umukino

Ikipe ya Rayon Sports yatangiye isatira cyane Espoir, iza no kubona koruneri eshatu zikurikiranya, imwe ndetse yaje no guhita ivamo igitego ku munota wa 18, iterwa na Manishimwe Djabel maze Mutsinzi Ange arasimbuka ayitsinda neza n’umutwe.

Ange ubwo yateraga umupira wavuyemo igitego

Mutsinzi Ange yihutiye guhita akura umupira mu izamu ngo bashake icya kabiri

Byari ibyishimo ku bafana ba Rayon Sports, aho bari bagifite icyizere

Igice cya mbere cy’umukino cyaje kurangira ari igitego 1-0, aho Rayon Sports yagiye inahusha uburyo bwinshi bwashoboraga kuvamo igitego.

Nova Bayama yatanze imipra myinshi yashoboraga kuvamo ibitego ariko ntibyakunda

Nahimana Shassir wakinaga yapfushije Papa we ashakisha igitego

Mugheni Fabrice yari asimbutse ngo atsinde n’umutwe ariko biranga

Mu gice cya kabiri n’ubundi ikipe ya Rayon Sports yarwanaga no kubona ikindi gitego ngo ibe yakwizera kugera ku mukino wa nyuma yakomeje gushakisha ariko ba myugariro b’ikipe ya Espoir bari bayobowe na Mbogo Ally bakomeza kuyibera ibamba.

Aha Kwizera Pierrot nawe benshi bacyekaga ko ashobora gutsinda icya kabiri

Mu mukino ubanza wabereye mu Karere ka Rusizi, Rayon Sport yari yatsinzwe ibitego bibiri ku busa byatsinzwe na Hakundukize Adolphe ndetse na Moninga Walosambo, none ibashije kwishyura kimwe muri byo ihita isezererwa.

Mu minota ya nyuma y’umukino ...

Nyuma y’umukino ...

Ikipe ya Espoir izahura n’izarokoka hagati ya APR FC n’Amagaju,mu mukino uteganijwe ejo kuri Stade ya Kigali i Nyamirambo, aho umukino ubanza wabereye i Nyamagabe amakipe yombi yanganije igitego 1-1.

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )