Rayon Sports irahakana ko ifitanye ikibazo na rutahizamu yanaboneye ibyangombwa bya FIFA

Ikipe ya Rayon Sports yatangaje ko nta kibazo ifitanye n’ikipe ya Olympic Star baguze umukinnyi Nihoreho Arsene, aho bivugwa ko ifite impungenge kuri Miliyoni 3 Frws Rayon Sports yabasigayemo

Mu minsi ishize ikipe ya Rayon Sports ni bwo yatangaje ko yaguze rutahizamu Nihoreho Arsene imukuye mu ikipe ya Olympic Star, uyu akaba yarabaye umukinnyi wa Gatatu mu batsinze ibitego byinshi muri shampiyona y’I Burundi aho yatsinze ibitego 17.

Hashize hafi amezi abiri Rayon Sports itangaje ko yasinyishije Nihoreho Arsene
Hashize hafi amezi abiri Rayon Sports itangaje ko yasinyishije Nihoreho Arsene

Amakuru atugeraho ni uko Rayon Sports iyisagayemo Olympic Star Miliyoni 3 Frws, aho muri Miliyoni 4.5 Frws bari bumvikanye Rayon Sports yayihaye Miliyoni 1.5 Frws,
andi Miliyoni 3 Frws asigaye akazayishyurwa ubwo azaba aje mu Rwanda gutangira akazi, aha iyi kipe ngo ikaba yaragize impungenge yo kutazabona aya mafaranga.

Iyi kipe ariko n’ubwo ivuga ibi, ikipe ya Rayon Sports yamaze kubona ibyangombwa bya FIFA bibahesha uyu mukinnyi (ITC), nyuma yaho babisabye maze Federasiyo y’u Burundi ikarenza iminsi irindwi isabwa n’amategeko ngo babe basubije.

Rayon Sports na yo kandi ivuga ko nta kibazo ifitanye na Olympic Star uyu mukinnyi yaturutsemo, kuko na yo yamaze kubaha ibyangombwa byose bimurekura, byanatumye FIFA ibaha icyangombwa.

Ibyangombwa Olympic Star yahaye Rayon Sports byatumye FIFA imwemeza nk’umukinnyi wa Rayon Sports

Shakisha izindi nkuru

National Football League 2019/2020

kigalitoday android app mobile

Ibitekerezo   ( 2 )

Turategereje ngo turebe icyo imana yakora.

Niyonkuru jean Damour yanditse ku itariki ya: 25-08-2020  →  Musubize

Ngewe mbona gukama kwamashuza aramayobera pe!

Niyonkuru jean Damour yanditse ku itariki ya: 25-08-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka