Police FC yatsinze Bugesera ifata umwanya wa mbere, Gasogi inyagira Sunrise (AMAFOTO)

Mu mukino w’umunsi wa munani wabereye kuri Stade ya Kigali i Nyamirambo, Police FC ihatsindiye Bugesera 2-1 ihita iyobora urutonde rwa shampiyona

Ni umukino ikipe ya Bugesera bamwe mu bakinnyi basanzwe bafite amazina azwi nka Murengezi Rodrigue, Kibengo (Mbaraga) Jimmy, Mustafa Francis na Peter Otema.

Icyuho cy’abakinnyi cyagaragaraga cyanatumye Police Fc itangira irusa Bugesera, iza gutsinda igitego cya mbere cyatsinzwe na Mico Justin, naho Nshuti Dominique Savio aza gutsinda icya kabiri.

Mu gice cya kabiri cy’umukino Bugesera yinjijemo Mustafa Francis, Peter Otema na Mbaraga Jimmy, byatumye iyi kipe itangira gusatira Police Fc, iza no kubona igitego kimwe ku munota wa nyuma cyatsinzwe na Rucogoza Djihad.


Gasogi yihereranye Sunrise, iyinyagira ibitego 4

Ku i Saa Saba z’amanywa Gasogi United yatsinze Sunrise ibitego 4-2, aho Gasogi yafunguye amazamu ku gitego cyatsinzwe na Kayitaba Bosco, Mwangi Pius ahita atsindira Sunrise ibitego bibiri, igice cya mbere kirangira ari 2-1.

Mu gice cya kabiri Tidiane Koné yatsinze igitego cyo kwishyura, Kayitaba Bosco atsinda icya gatatu, na Muganza Isaac wagiyemo asimbuye atsinda icya kane, umukino urangira Gasogi itsinze Sunrise 4-2.

Amafoto: Nyirishema Fiston

MENYA UMWANDITSI

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka