Police Fc yaguye miswi na Musanze abatoza bikoma ba myugaruriro

17-03-2017 - 19:52' | Ibitekerezo ( )

Mu mukino wa shampiyona y’umunsi wa 21 wahuzaga ikipe ya Police Fc na Musanze urangiye amakipe yombi anganya ibitego 2-2.

Seningo Innocent utiza Police FC ntiyanyuzwe n'imikinire ya ba Myugariro be

Ni umukino wabereye kuri stade ya kicukiro aho Police yari yakiriye Musanze, umukino urinda urangira amakipe yombi aguye miswi, bituma Police ibura amahirwe yo kwegera Rayon Sport iri ku mwanya wa mbere.

Ibitego byombi bya Musanze byatsinzwe na Rutahizamu Wai Yeka, aho icya mbere yagitsinze ku munota wa 23 no ku munota wa 28.

Ibitego bya Polisi byo icyambere cyabonetse ku munota wa 24 w’igice cya mbere mu gihe yishuye icya kabiri ku munota wa 57 byose nabyo byatsinzwe na Biramahire Christophe, umukino urangira ari 2-2.

Nyuma y’umukino Seninga Innocent utoza Police yavuze ko abakinnyi b’inyuma yakinishije bataramenyerana, abashinja kuba babaye intandaro yo gutsindwa ibitego.

Yagize ati” Turanganyije ariko icyo navuga ni uburangare bw’ab’inyuma banjye mu mutima w’abugarira kuko bataramenyerana.

Abasanzwe bahakina baravunitse ibyo rero byatumye bakora amakosa kuko batarahuza bituviramo gutsindwa kare.”

Mugenzi we wa Musanze Habimana Sostene nawe yashinje abakinnyi b’inyuma kuko ngo bishyuwe ibitego kubera kwirara, bituma umukino bari bafite mu ntoki ubacika.

Ati “ Aya makossa y aba Myugariro tugomba kuzayakosora ubutaha.”