Police FC ibaye ikipe ya kane igeze muri 1/2 cy’Igikombe cy’Amahoro 2022

Yanditswe na

Jean Jules Uwimana

5-05-2022 - 23:26' | Ibitekerezo ( )

Ku uyu wa Katatu tariki 5 Gicurasi 2022,nibwo hasojwe imikino ya 1/4 mu gikombe cy’Amahoro aho ikipe ya Police FC yabaye ikipe 4 izakina 1/2 nyuma y’uko isezereye Etoile de l’Est.


Police FC

Mu mukino wo kwishyura wabereye kuri sitade ya Kigali i Nyamirambo, Police FC yakiriye Etoile de l’Est nyuma yo kuyitsinda mu mukino ubanza ibitego 2-1.

Muri uyu mukino Police FC byayisabye gutegereza iminota 85 y’umukino kugira ngo isubire Etoile de l’Est iyitsinda igitego 1-0 cyatsinzwe na Hakizimana Muhadjili, Police FC isezerera Etoile de l’Est ku giteranyo cy’ibitego 3-1.

Amakipe ane ari yo APR FC, Rayon Sports ,AS Kigali na Police ni yo yabonye itike yo gukina 1/2 cy’Igikombe cy’Amahoro 2022 aho APR FC izakina na Rayon Sports mu gihe AS Kigali izakina na Police FC. Imikino izakinwa hagati y’itariki 11 Gicurasi na 17 Gicurasi.