Nyuma y’iminsi yari ishize Stade ya Kigali ifunze, kuri uyu wa Gatatu tariki 15 Werurwe 2023, yongeye gufungurwa ndetse inahabwa izina rishya.

Iyi Stade nyuma yo kuvugururwa, kuva uyu munsi izajya yitwa Kigali Pelé Stadium, ikaba yafunguwe ku mugaragaro na Perezida w’u Rwanda Paul Kagame ndetse na Perezida wa FIFA, Gianni Infantino.

Perezida Kagame nyuma yo kumurika iryo zina rishya, yashimiye Perezida wa FIFA ndetse anavuga ko iyi Stade izajya ihuriza hamwe abakinnyi batandukanye, ariko bigira ku bigwi bya Pelé, wabaye igihangange muri ruhago, uheruka kwitaba Imana.

AMAFOTO: Niyonzima Moïse