Muri uwo mukino, Etincelles ni yo yabanje kubona ibitego byayo bibiri mu minota 30 y’igice cya mbere bitsinzwe na Tuyisenge Pekeyake na Abed Mulenda.
Mukura yakomeje gushakisha uko yakwishyura, maze igice cya mbere kigiye kurangira Mukura ibona igitego cya mbere cyatsinzwe na Habyarimana Faustin kuri Coup Francs.
Igice cya kabiri, Mukura yagitangiranye imbaraga nyinshi ibonamo n’igitego cyatsinzwe na Harorimana Jean Bosco bitewe n’uburangare bw’abakinnyi b’inyuma ba Etincelles.
Nyuma yo kunganya ibitego bibiri kuri bibiri, hitabajwe za penaliti maze Mukura yinjiza 5 kuri 4 za Etincelles, Mukura ihita ijya muri ¼ cy’irangiza.
Undi mukino wa 1/8 wari ukomeye wahuje Rayon Sport na La Jeunesse. Rayon Sport yaherukaga gutsindwa na La Jeunesse muri shampiyona, yakinishije ingufu inagaragaza umupira mwiza, bituma inyagira La Jeunesse ibitego 5 kuri 2.
Amakipe akomeye yose yabonye itike yo kujya muri ¼ cy’irangiza. APR FC ifite igikombe giheruka yasezereye Bugesera yo mu cyiciro cya kabiri iyinyagiye ibiteo 9 ku busa. Police FC yasezereye Nyanza FC iyitsinze ibitego 2 ku busa, naho Kiyovu Sport isezerera Asport iyitsinze ibitego 3 kuri 1.
Dore uko amakipe yatsindanye
Mukura VS 2-2 Etincelles FC (Mukura yatsinze penaliti 5-4 Etincelles FC)
Rayon Sports 5-2 La Jeunesse
Kiyovu Sports 3-1 ASPOR FC
APR FC 9-0 Bugesera FC
Unity FC 1-3 SEC
Marines FC 1-0 Amagaju FC
Police FC 2-0 Nyanza FC
AS Kigali 1-0 Interforce FC
Uko amakipe azahura muri 1/4:
Police FC vs Marines
APR FC vs SEC
Mukura VS vs AS Kigali
Kiyovu Sports vs Rayon Sports
Theoneste Nisingizwe
Ibitekerezo
Ohereza igitekerezo
|