Mu mukino w’umunsi wa 25 wagombaga kubera kuri Stade ya Kigali i Nyamirambo, ikipe ya Miroplast ntiyigeze igaragara kuri Stade ya Kigali i Nyamirambo aho ikipe yategrejwe ariko ntigaragare ku kibuga.

Nyuma y’iminsi myinshi, Nahimana Shassir yari yongeye guhabwa icyizere cyo kubanza mu kibuga

Ahagana mu ma Saa munani n’igice nibwo byatangiye kuvugwa ko iyi kipe ishobora kuba itigeze ifata inzira yerekeza kuri Stade ya Kigali i Nyamirambo.

Mu rwambariro Rayon Sports mbere y’umukino yari ihari yonyine

Mbere y’umukino abasifuzi baba bagomba gusuzuma amalisiti y’abakinnyi, aha Miroplast ntiyigeze ihagaragara, bigera aho no kwishyushya birangira hagaragara Rayon Sports gusa.

Saa cyenda n’igice Rayon Sports n’abasifuzi bari bahageze, ariko Miroplast ikomeza kubura.

Abasifuzi bakurikije itegeko ryo gutegereza iminota 15, maze Saa cyenda na 45 basubira mu rwambariro, maze Rayon Sports yo ihita ifata umwanya wo gukora imyitozo bitegura umukino wa AS Kigali wo kuri uyu wa Gatatu.

Saa Cyenda na 45, abasifuzi bahise bisubirira mu rwambariro

Kugeza ubu harategerezwa raporo y’abasifuzi ndetse na Komisiyo y’amarushanwa muri Ferwafa, kugira ngo hemezwe mpaga nk’uko amategeko abiteganya

Rayon Sports n’abasifuzi basubira mu rwambariro

Ivan Minnaert na Nkunzingoma Ramadhan bategereje igikurikiraho

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )