Manishimwe Djabel wakiniraga Rayon Sports yerekeje muri Gor Mahia

30-06-2019 - 16:40' | Ibitekerezo ( )

Nyuma y’imyaka itanu akinira Rayon Sports, Manishimwe Djabel yamaze kumvikana na Gor Mahia kuyikinira mu myaka itatu iri imbere.

Kuri iki Cyumweru nibwo abayobozi ba Gor Mahia bumvikanye n’ikipe ya Rayon Sports ku mukinnyi wayo Manishimwe Djabel, aho Rayon Sports yahawe asaga Milioni 7 Frws.

Manishimwe Djabel wari usigaje umwaka umwe muri Rayon Sports, ikipe ya Gor Mahia nawe igomba kumuha agera ku 20,000$, akazatangira kuyikinira muri CECAFA Kagame Cup izabera mu Rwanda.