Manchester United yaguze Antony Matheus

Ikipe ya Manchester United yatangaje ko yaguze umukinnyi Antony w’imyaka 22 y’amavuko, wakiniraga ikipe ya Ajax yo mu Buholandi.

Antony ategerejweho byinshi muri Man United
Antony ategerejweho byinshi muri Man United

Uyu musore ukomoka mu gihugu cya Brazil ukina asatira anyuze ku ruhande, Manchester United yumvikanye na Ajax ko agurwa kuri miliyoni 100 z’Amayero hagahita hatangwa 95 mu gihe izindi 5 zizishyurwa mu byiciro.

Antony Matheus dos Santos wavutse mu 2000, yageze mu ikipe ya Ajax mu 2020 avuye muri Sau Paulo Futeball Club yo muri Brazil, mu myaka ibiri yari ayimazemo yakinnye imikino 82 atsinda ibitego 24 n’imipira 22 yatanze yavuyemo ibitego.

Mu mwaka w’imikino wa 2020-2021 yakinnye imikino 32 atsinda ibitego icyenda (9), atanga imipira umunani (8) yavuyemo ibitego, 2021-2022 yakinnye imikino 23 atsinda ibitego umunani (8) atanga imipira ine (4) yavuyemo ibitego.

Manchester United mu mikino ya shampiyona y’u Bwongereza 2022-2023, imaze gutsindamo imikino ibiri mu gihe ku munsi wa gatanu wa shampiyona muri iki cyumweru, tariki ya 4 Nzeri 2022 izakina n’ikipe ya Arsenal.

ADVERTISEMENT
rkad1
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka