Liverpool na Manchester City zatsinze izo muri ESPAGNE mu mikino ibanza ya Champions League

Mu mikino ibanza ya ½ ya UEFA Champions League yasojwe kuri uyu wa Gatatu, ikipe ya Liverpool yatsinze Villareal yo muri ESPAGNE ibitego 2-0

Mu ijoro ryo kuri uyu wa Gatatu guhera i Saa Tatu zuzuye, ni bwo hakinwaga umukino wa kabiri wa ½ cya UEFA Champions League, aho ku kibuga cya Anfield Liverpool yari yakiriye Villareal yo muri Espagne.

Umukino waje kurangira Liverpool itsinze Villareal ibitego 2-0, aho icya mbere cyitsinzwe na P. Estupinan ku munota wa 53, ku mupira wari utewe mu izamu na Henderson wa Liverpool.

Nyuma y’iminota ibiri gusa ku munota wa 55, Liverpool yatsinze igitego cya kabiri cyatsinzwe na Sadio Mané, ku mupira yari ahawe neza na Mohamed Salah, umukino urangira Liverpool iwutsinze ku bitego 2-0.

Sadio Mane yatsindiye Liverpool igitego cya kabiri
Sadio Mane yatsindiye Liverpool igitego cya kabiri

Si Liverpool yo mu Bwongereza yonyine yabonye intsinzi mu mukino ubanza, kuko ku wa Kabiri Manchester City nayo yatsinze Real Madrid ibitego 4-3, imikino yo kwishyura ikaba iteganyijwe mu cyumweru gitaha aho ku wa kabiri Villareal izakira Liverpool naho ku wa Gatatu Real Madrid ikakira Manchester City.

Bernardo Silava wa Man City yabaye umukinnyi witwaye neza batsinda Real Madrid
Bernardo Silava wa Man City yabaye umukinnyi witwaye neza batsinda Real Madrid

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka