Liverpool itwaye igikombe cya Shampiyona nyuma y’imyaka 30

Nyuma y’imyaka 30 Liverpool itazi igikombe cya Shampiyona y’u Bwongereza, iri joro iraye igitwaye nyuma y’uko Chelsea itsinze Manchester City ibitego 2-1, na nyuma y’uko Liverpool ku munsi wari wabanje yari yitsindiye Crystal Palace ibitego 4-0.

Kuba Liverpool yatwara igikombe byasaga n’ibyitezwe kuva mu kwezi kwa Kabiri ubwo imikino yo mu Bwongereza yasubikwaga, kuko icyo gihe yarushaga ikipe ya Manchester City bikurikiranye amanota 21.

Gusa imibare yagaragazaga ko bisaba Liverpool gutsinda umukino umwe na Manchester igatsindwa undi mukino, cyangwa bigasaba Liverpool gutsinda imikino ibiri nta yandi mananiza igahita itwara iki gikombe, bityo imikino isigaye, igakinwa ari ukurangiza umuhango.

Nyuma y’uko Liverpool itsinze Crystal Palace ibitego bine, hari hasigaye gusa gutegereza ikiva mu mukino wa Chelsea yari yakiriye Manchester City, ubundi igikombe kigataha kwa Liverpool, ari nako bigenze, ubu Liverpool ikaba ari yo itwaye igikombe cya Shampiyona y’umupira w’Abongereza mu mwaka w’imikino wa 2019/2020.

Kibaye igikombe cya 19 Liverpool itwaye, nyuma y’icyo yaherukaga mu 1990. Iki gikombe igitwaye ifite amanota 86 irusha Manchester City iyikurikiye amanota 23, mu gihe umwaka ushize wa 2018/2019 Manchester City yatwaye iki gikombe irusha Liverpool inota rimwe gusa.

kigalitoday android app mobile

Ibitekerezo   ( 1 )

Mwaramutse,
Nn championa y u Rwanda ko yarangiye,amakipe azosohokera igihugu nayahe ko igikombe c amahoro kitakinwe???

HAVYARIMANA Celestin yanditse ku itariki ya: 26-06-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka