Liverpool itsinze Manchester City itwara ‘FA Community Shield’

Kuri uyu wa Gatandatu tariki 30 Nyakanga 2022, ikipe ya Liverpool yo mu Bwongereza yatangiye umwaka w’imikino wa 2022-2023, itwara igikombe kiruta ibindi cya FA Community Shield, gihuza ikipe ya yatwaye shampiyona ndetse n’iyatwaye FA Cup nyuma yo gutsinda Manchester City ibitego 3-1.

Liverpool iwaye FA Community Shield
Liverpool iwaye FA Community Shield

Ni umukino wabereye kuri Stade ya King Power isanzwe ikinirwaho n’ikipe ya Liecester City, uhuza Manchester City yatwaye shampiyona y’u Bwongereza 2021-2021 ndetse na Liverpool yatwaye igikombe cya FA Cup mu mwaka w’imikino ushize.

Ikipe ya Liverpool niyo yafunguye amazamu ku munota wa 21 ku mupira wari uturutse kuri Mohamed Salah, maze usanga Trent Alexander Arnorld wahise awutera adahagaritse atsinda igitego cya mbere, amakipe ajya mu kiruhuko ari igitego 1-0.

Kapiteni wa Liverpool, Jordan Henderson ateruye igikombe
Kapiteni wa Liverpool, Jordan Henderson ateruye igikombe

Igice cya kabiri Liverpool yagitangiye n’ubundi yotsa igitutu izamu rya Manchester City binyuze kuri Mohamed Salah, Luis Diaz ari nako Man City nayo abarimo Jack Grealish na Kevin de Bryune hagati, banyuzagamo bagasatira izamu rya Liverpool, byanatumye ku munota wa 70 binyuze ku mupira wari utewe mu izamu na Phil Foden, umunyezamu Adrian akananirwa kuwufata ngo awugumane, Julian Alvarez yaboneye Manchester City igitego cyo kwishyura.

Mu mpinduka umutoza wa Liverpool yakoze mu gice cya kabiri harimo iyo ku munota wa 59, aho yakuyemo Roberto Firmino ashyiramo rutahizamu mushya iyi kipe yaguze miliyoni 100 z’Amayero mu mpeshyi y’uyu mwaka.

Mohamed Salah watsinze igitego ateruye igikombe
Mohamed Salah watsinze igitego ateruye igikombe

Uwo musore witezwe kuzatsindira ikipe ya Liverpool ibitego byinshi, yagize uruhare rugaragara muri uyu mukino dore ko uretse uburyo bw’ibitego yagiye agerageza, ku mupira wari uhinduriwe i buryo yawushyizeho umutwe maze myugariro wa Manchester City, Ruben Diaz ari kuwukuraho umukora ku kaboko, hitabajwe ikoranabuhanga rya VAR ikipe ya Liverpool ihabwa penaliti yatsinzwe neza na Mohamed Salah ku munota wa 83.

Ku munota wa 90 hongewe iminota 4, Mohamed Salah yongeye guhindurira umupira iburyo maze ukozwaho umutwe na Andrew Robertson awudundira Darwin Nunez, na we wahise awushyiraho umutwe aroba umunyezamu wa Manchester City, Ederson Moraes atsinda igitego cya gatatu cyatumye Liverpool, yegukana igikombe cya Community Shield ku nshuro ya 16 mu mateka yayo, itsinze Manchester City ibitego 3-1.

Trent Alexander Arnold nyuma yo gutsinda igitego cya mbere cya Liverpool
Trent Alexander Arnold nyuma yo gutsinda igitego cya mbere cya Liverpool

Shampiyona y’icyiciro cya mbere mu gihugu cy’u Bwongereza 2022-2023 izatangira ku ya 5 Kanama 2022, aho umukino ufungura uzakinwa n’ikipe ya Arsenal na Crystal Palace saa tatu z’ijoro, mu gihe Liverpool izakina na Fulham tariki 6 Kanama 2022 saa saba n’igice, naho Manchester City itangire ikina na Westham United saa kumi n’imwe n’igice.

Darwin Nunez witezweho byinshi muri Liverpool yakuyemo umupira kubera ibyishimo nyuma yo gutsinda igitego ahita ahabwa n
Darwin Nunez witezweho byinshi muri Liverpool yakuyemo umupira kubera ibyishimo nyuma yo gutsinda igitego ahita ahabwa n’ikarita y’umuhondo
Erling Halland (9) witezweho byinshi muri Man City ariko utigaragaje muri uyu mukino afasha Julian Alvarez (19) watsinze igitego kucyishimira
Erling Halland (9) witezweho byinshi muri Man City ariko utigaragaje muri uyu mukino afasha Julian Alvarez (19) watsinze igitego kucyishimira
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka