Liverpool ishobora kurara yegukanye igikombe cya shampiyona nyuma y’imyaka 30

Mu ijoro ryo kuri uyu Kane tariki 25/06/2020 ikipe ya Liverpool ishobora kurara yegukanye igikombe cya shampiyona ibifashijwemo n’ikipe ya Chelsea.

Kuri uyu wa Gatatu ikipe ya Liverpool yaraye yihereranye ikipe ya Crystal Palace iyitsinda ibitego 4-0, ibitego byatsinzwe na Trent Alexander-Arnold, Mohamed Salah, Fabinho na Sadio Mane, bituma iyi kipe isigara isabwa byibura amanota abir gusa ngo yegukane igikombe cya shampiyona.

Liverpool iheruka gutwara igikombe cya shampiyona mu 1990, hashize imyaka 30
Liverpool iheruka gutwara igikombe cya shampiyona mu 1990, hashize imyaka 30

Kuri uyu wa Kane Saa tatu na 15, abafana ba Liverpool baraza kuba bahanze amaso umukino uza guhuza ikipe ya Chelsea na Manchester City, umukino ushobora guha Liverpool igikombe igihe Manchester City itabasha kuwutsinda.

Muri uyu mukino, Chelsea iramutse iwutsinze cyangwa ikawunganya, Liverpool yaza guhita yegukana igikombe, Manchester City yawutsinda bigasaba Liverpool gutegereza umukino uzahuza aya makipe yombi tariki 02/07/2020.

Imikino Liverpool isigaje gukina

Ku wa Kane Tariki 02/07/2020: Man City vs Liverpool
Ku Cyumweru Tariki 05/07/2020: Liverpool vs Aston Villa
Ku wa Gatatu tariki 08/07/2020: Brighton vs Liverpool
Ku wa Gatandatu tariki 11/07/2020: Liverpool vs Burnley
Ku wa Gatatu tariki 15/07/2020: Arsenal vs Liverpool
Ku wa Gatandatu tariki 18/07/2020: Liverpool vs Chelsea
Ku Cyumweru tariki 26/07/2020: Newcastle United vs Liverpool

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka