KCCA yo muri Uganda yasinyishije umukinnyi ukomoka mu Butaliyani

Ikipe ya KCCA yo muri Uganda yamaze gusinyisha umukinnyi wo mu kibuga hagati ukomoka mu Butaliyani nyuma yo kumugerageza muri Mutarama.

Kuri iki cyumweru ikipe ya KCCA ifite ibikombe 13 bya shampiyona, yaraye isinyishije umukinnyi Stefano Mazengo Loro ufite ababyeyi bakomoka mu Butaliyani ariko avukira muri Kenya, aho yasinyiye iyi kipe amasezerano y’imyaka itatu.

Stefano Mazengo Loro yasinyiye KCCA FC imyaka itatu
Stefano Mazengo Loro yasinyiye KCCA FC imyaka itatu

Uyu mukinnyi wakinnye mu bihugu bitandukanye birimo Uganda, Tanzania n’u Buholandi, yari yakoze igeragezwa muri KCCA muri Mutarama uyu mwaka, aza kwishimirwa n’abatoza b’iriya kipe.

Iyi kipe ya KCCA iheruka no kwegukana CECAFA Kagame Cup yabereye mu Rwanda umwaka ushize, uyu mwaka w’imikino ntiyabashije kwegukana igikombe cya shampiyona itararangiye kubera COVID19, aho ibi byaje gutuma ikipe ya VIPERS yari ku mwanya wa mbere ari yo ihabwa igikombe cya shampiyona.

Ibi biri mu biri gutuma iyi kipe ishyira imbaraga mu kongera kwiyubaka, aho usibye uyu mutaliyani yanasinyishije rutahizamu Charles Lwanga na Ashraf Mugume ukina mu kibuga hagati, ikaba inifuza abakinnyi barimo Brian Aheebwa wa Mbarara City , Bright Anukani wa Proline ndetse na Samson Kigozi ukinira Police.

Amakipe umutaliyani Stefano Mazengo Loro yakiniye

2006-2009: Kampala Kids League
2014-2018: FC Leovardia (Ubuholandi)
2016: Deusto University (Espagne)
2017-2018: Don Vittoria FC (Uganda)
2018-2019: Sheffield Hallam University (Ubwongereza)
2018-2019: Sheffield FC (Futsal) (Ubwongereza)

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka