KT TV
Karim Benzema yahembwe nk’umukinnyi mwiza i Burayi
Rutahizamu w’ikipe ya Real Madrid, Karim Benzema yatsindiye igihembo cy’umukinnyi mwiza i Burayi nyuma yo kwitwara neza mu mwaka w’imikino wa 2021-2022.
Ibi Karim Benzema yabigezeho nyuma y’uko mu mwaka w’imikino ushize wa 2021-2022 afashije Real Madrid kwegukana shampiyona ya Espagne ndetse na UEFA Champions League.
Ku giti cye yagize uruhare mu bitego 59 muri rusange aho yatsinze 44 agatanga imipira 15 yavuyemo ibitego mu mikino 46 yagaragayemo mu marushanwa yose yakiniye Real Madrid.
Ni igihembo Karim Moustapha Benzema yegukanye nyuma yo gutsinda abakinnyi bari bahanganye barimo Kevin de Bruyne wa Manchester City ndetse n’umunyezamu Thibaut Courtois bakinana muri Real Madrid.
Umwaka w’imikino wa 2022-2023 Karim Benzema yawutangiye atwarana na Real Madrid igikombe kiruta ibindi i Burayi ndetse n’icyo muri Espagne ndetse uyu mugabo w’imyaka 34 akaba ahabwa amahirwe menshi yo kwegukana n’igihembo cya Ballon d’Or uyu mwaka. Ibirori byo gutangaza uzegukana icyo gikombe biteganyijwe mu kwezi k’Ukwakira 2022.
Ibitekerezo
Ohereza igitekerezo
|
|
