Ikipe ya Centrafrique yategewe akayabo niramuka itsinze Amavubi

Guverinoma ya Centrafrique yategeye buri mukinnnyi w’ikipe y’igihugu y’umupira w’amaguru agahimbazamusyi ka Miliyoni imwe n’igice z’Amasefa asaga Miliyoni ebyiri z’Amanyarwanda, nibaramuka batsinze Amavubi.

Ikipe ya Centrafrique izahura n'Amavubi
Ikipe ya Centrafrique izahura n’Amavubi

Ikipe y’igihugu ya Centrafrique izahura n’Amavubi ku itariki ya 11 Kamena 2017, mu mukino w’amajonjora yo guhatanira gushaka itike yo gukina igikombe cy’Afurika cya 2019.

Ikinyamakuru cyo muri icyo gihugu cyitwa Centrafiqueactu.com, cyatangaje ko Guverinoma ya Centrafrique yateguye miliyoni zisaga 160 z’Amasefa zingana na Miliyoni 200 z’Amanyarwanda, azifashishwa muri uwo mukino.

Ikipe ya Centrafrique itozwa n’Umusuwisi Raoul Savoy, yatangiye imyitozo tariki ya 29 Gicurasi 2017, itangirana abakinnyi bakina imbere mu gihugu. Abakina hanze kuri uyu wa kabiri ngo baraba bageze mu mwiherero na bagenzi babo.

Centrafrique nta bigwi ifite mu mupira w’amaguru

Ikipe y’umupira w’amaguru ya Centrafrique nta bigwi ifite mu mupira w’amaguru yaba muri Afurika ndetse no ku isi, kuko itigeze yitabira igikombe na kimwe cya Afurika ndetse n’igikombe cy’isi.

Intsinzi ikomeye iyo kipe yabonye ni iyo yatsinzemo Tchad ibitego 4-1 mu mukino wa gicuti ndetse n’uwo yatsinzemo Misiri 3-2. Umwanya mwiza yabonye ku rutonde ngarukakwezi rwa FIFA ni uwa 61 yagiyeho mu mwaka wa 2011.

Amavubi arusha ibigwi mu mupira w'amaguru ikipe ya Centrafrique
Amavubi arusha ibigwi mu mupira w’amaguru ikipe ya Centrafrique

U Rwanda na Centrafrique biri mu itsinda H aho biri kumwe na Guinee ndetse na Cote D’ivoire. Ikipe izajya mu mikino ya nyuma y’igikombe cy’Afurika, ni izaba iya mbere muri iri tsinda.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka