Igitego cya Nshuti Innocent gifashije APR FC gukomeza kuyobora Shampiyona

Igitego cyo ku munota wa 18 cyatsinzwe na Nshuti Innocent gifashije APR FC gutsinda Kiyovu Sports, APR ihita igira amanota 57.

APR FC
APR FC

Mu mukino w’umunsi wa 23 wa shampiyona y’umupira wa maguru mu Rwanda wabereye kuri Stade ya Kigali i Nyamirambo, ikipe ya APR FC yatsinze Kiyovu Sports ikomeza agahigo ko kudatsindwa muri iyi shampiyona.

11 ba APR FC:

Rwabugiri Omar (GK) , Prince Buregeya ,Rwabuhihi Placide ,Manzi Thierry , Emmanuel Manishimwe, Ombolenga Fitina, Bukuru Christopher, Niyonzima Olivier Sefu, Manishimwe Djabel, Danny Usengimana na Nshuti Innocent.

Umutoza : Mohammed Adil

11 ba Kiyovu Sports:

Nzeyurwanda Djihad (GK), Serumogo Ali, Mutangana Derrick, Mbogo Ali, Habamahoro Vincent,Twizeyimana Martin Fabrice, Nizeyimana Jean Claude, Saba Robert, Armel Gislain, Nsengiyumva Mustaf, na Mbonyinabo Regis.

Umutoza: Ruremesha Emmanuel

Nk’Uko ishyirahamwe ry’umupira w’amaguru mu Rwanda ryari ryabimenyesheje amakipe ko hagomba gushyirwaho uburyo bwo kugira isuku mu rwego rwo kwirinda Coronavirus, ukigera kuri sitade ya Kigali wasangaga hateguwe uburyo bwo gukaraba.

Ku mukino wahuje APR FC na Kiyovu babanje gukaraba mu rwego rwo kwirinda Coronavirus
Ku mukino wahuje APR FC na Kiyovu babanje gukaraba mu rwego rwo kwirinda Coronavirus

Ni umukino watangiranye amayeri menshi ku makipe yombi aho mu minota 15 ya mbere y’umukino nta gikorwa kizima cyari cyakabonetsemo.

Ku munota wa 18 ku mupira wari utazwe na Imanishimwe Emmanuel uzwi nka Mangwende, Nshuti Innocent yafunguye amazamu, Kiyovu Sports isa n’itunguwe n’iki gitego kuko yari ikirimo kwiga umukino, igice cya mbere kirangira gutyo.
Igice cya kabiri cyagaragayemo imbaraga nyinshi n’uburyo bwo gutsinda ku ruhande rwa Kiyovu Sports ariko ubwugarizi bwa APR FC bwihagararaho ari na ko umukino warangiye.

Nyuma y’umukino hatanzwe ikarita y’umutuku ku mukinnyi wa AR FC Bukuru Christopher n’umutoza wungirije wa Kiyovu sports Mutarambirwa Djabil basa n’aho bashyamiranye.

Umutoza wa Kiyovu Sports Ruremesha Emmanuel yavuze ko batsinzwe igitego bakirimo kwishakisha. Yakomeje avuga ko bagerageje uko bashoboye ariko babura amahirwe.

Umutoza wa APR FC Mohammed Adil Eradi yavuze ko yishimiye gutsinda uyu mukino kuko byabasabye imbaraga nyinshi. Yakomeje avuga ko urugendo rw’igikombe rugikomeje.

Kiyovu Sports
Kiyovu Sports

Gutsinda kwa APR FC kwayifashije gukomeza kuyobora shampiyona n’amanota 57 mu gihe Kiyovu Sports yagumye ku mwanya wa gatanu n’amanota 35.

Dore imikino yose y’Umunsi wa 23 wa shampiyona:

Kuwa Kabiri Tariki ya 10 Werurwe 2020

Sunrise FC 1-1 Gasogi United
Espoir FC 1-1 Heroes FC
Musanze FC 2-0 Gicumbi FC
APR FC 1-0 Kiyovu
Marines FC 0-1 Rayon Sports FC

Ku wa Gatatu Tariki ya 11 Werurwe 2020

Bugesera FC vs Police FC (Bugesera Stadium, 3:00 PM)
AS Kigali vs Mukura VS&L (Kigali Stadium, 3:00 PM)
Etincelles FC vs AS Muhanga (Umuganda Stadium, 3:00 PM)

MENYA UMWANDITSI

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka