Manishimwe Djabel watsinze igitego cyahesheje intsinzi Rayon Sports

Mu mukino w’ikirarane wabereye kuri Stade Nyagisenyi i Nyamagabe, Rayon Sports ihatsindiye Amagaju igitego 1-0, igitego cyatsinzwe ku munota wa 81 na Manishimwe Djabel, ku mupira yari ahawe ns Tidiane Koné.

Abakinnyi ba Rayon Sports bishimira igitego cya Djabel Manishimwe

Abakinnyi babanjemo:

Rayon Sports: Ndayishimiye Eric Bakame, Manzi Thierry, Mugabo Gabriel , Mutsinzi Ange, Rutanga Eric ,Niyonzima Olivier Sefu, Mukunzi Yannick, Nova Bayama,Tidiane Koné, Manishimwe Djabel, Bimenyimana Bonfils Caleb

Abakinnyi ba Rayon Sports babanje mu kibuga i Nyamagabe

Amagaju: Twagirimana Pacifique, Biraboneye Aphrodice, Hakizimana Hussein, Nsengiyumva Djafari, Bizimana Noel, Irakoze Gabriel, Habimana Hassan, Munezero Dieudonné, Amani Mukeshe, Ndizeye Innocent, Dusabe Jean Claude

Abakinnyi 11 b’Amagaju babanje mu kibuga

Manishimwe Djabel yishimira igitego yari atsinze

Nyuma y’uyu mukino, umutoza wa Rayon Sports Karekezi Olivier, yatangaje ko bashimishijwe cyane n’iyi ntsinzi bakuye ku kibuga kitaboroheye

Yagize ati "Birashimishije cyane kuba tubonye aya manota atatu ku kibuga kimeze gutya, dufite abakinnyi bake kandi bitanze"

"Ubu tugiye kwitegura umukino wa Etincelles, nitugira amahirwe hari abakinnyi bazaba biyongereyemo cyane nka Pierrot na Shassir twavuganye na Perezida, bagomba gutegerwa indege bagahita baza gufatanya n’abandi"

Mu buryo bwinshi Rayon Sports yagerageje, bahiriwe inshuro imwe binabahesha amanota atatu

Umutoza w’Amagaju Nduwimana Pablo we n’ubwo yatsinzwe, yashimye abakinnyi be uko bitwaye, cyane ko hari bamwe bazamuwe mu ikipe y’abakiri bato.

"Twaburaga abakinnyi bane barimo Yumba, Trésor, Tchabalala ndetse na Jado, ariko iyo siyo mpamvu yatumye dutsindwa, narebaga ku ntebe y’abasimbura nkabura igisubizo, ariko byabaye turizera gutsinda ubutaha.

Ikipe ya Rayon Sports irasubira mu kibuga kuri uyu wa Gatatu, aho iza kuba ikina na Etincelles i Rubavu, kugeza ubu ikaba yaraye ku mwanya wa kane n’amanota 14, yaramuka itsinze umukino wa Etincelles ikazahita iyobora urutonde rwa Shampiona.

Andi mafoto yaranze uyu mukino

Bimenyimana Bonfils Caleb yagerageje ibishoboka byose ariko igitego kirabura

Rwarutabura ufana Rayon yari yaje yitwaje urutaro

Gikundiro Forever yari ihari

Abafana ba Rayon Sports bari bitabiriye

Manishimwe Djabel yari yanitwaye neza mu mukino

Umunyezamu w’Amagaju yari yakuyemo imipira myinshi ikomeye y’abakinnyi ba Rayon Sports

Karekezi Olivier yishimiye gukura amanota ku kibuga avuga ko cyari kigoye

Tidiane Kone yagerageje kenshi gushaka igitego ariko ntibyamuhira

Nduwimana Pablo aha impanuro abakinnyi b’Amagaju atoza

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )