KT TV
Igikombe cy’Amahoro: APR FC izakina na Marine FC muri 1/4
Imikino ya 1/8 cy’Igikombe cy’Amahoro isize APR FC izahura na Marine FC muri 1/4. APR FC yageze muri 1/4 nyuma yo gusezerera ikipe ya Ivoire Olympique muri 1/8 cy’irangiza iyitsinze igitego 1-0 mu mukino wo kwishyura wabereye kuri sitade ya Bugesera. Ni igitego cyatsinzwe na Bizimana Yannick mu gihe mu mukino ubanza amakipe yombi yari yanganyije 0-0.
Marine FC yageze muri 1/4 isezereye ikipe ya Etincelles FC nyuma yo kunganya 0-0 mu mukino wo kwishyura wabaye ku wa Gatatu kuri Sitade Umuganda ariko umukino ubanza ikaba yari yatsinze 3-1.
Ikipe ya Musanze FC kuri Sitade Ubworoherane yatsinze Bugesera FC ibitego 2-0. Iyi kipe yahise inayisezerera igera muri 1/4 kuko mu mukino ubanza wari wabereye mu Bugesera bari banganyije 0-0. Iyi kipe izahura na Mukura VS yasezereye Rutsiro FC iyitsinze ibitego 3-1 mu mikino ibiri kuko uyu munsi mu mukino wo kwishyura kuri sitade Mpuzamahanga ya Huye yayitsinze 1-0 gisanga ibitego 2-1 yari yayitsindiye iwayo kuri sitade Umuganda mu mukino ubanza.
Ikipe ya Kiyovu Sports yari yasezereye La Jeunesse ku wa Kabiri ku giteranyo cy’ibitego 5-2 mu mikino ibiri izahura na Rwamagana City yasezereye Esperance FC ku giteranyo cy’ibitego 3-1 mu mikino ibiri.
Ikipe ya Police FC yasezereye Sunrise FC banganyije ibitego 2-2 mu mikino ibiri dore ko umukino wo kwishyura wabereye kuri sitade ya Muhanga ku wa Kabiri Sunrise FC yatsinze igitego 1-0 ariko kitagize icyo kimara kuko Police FC umukino ubanza yari yatsinze 2-1 igakomeza kubera gutsinda ibitego byinshi hanze. Iyi kipe yakomeje muri 1/4 igomba kuzahura n’ikipe izakomeza hagati ya Rayon Sports nubwo yavuze ko yavuye muri iri rushanwa ariko biteganyijwe ko izakina na Intare FC ku wa Gatanu mu gihe umukino ubanza Rayon Sports yari yatsinze 2-1.
Imikino ibanza ya 1/4 biteganyijwe ko izakwinwa hagati ya tariki 4 n’iya 5 Mata 2023.
Ibitekerezo
Ohereza igitekerezo
|
|
