Mu kwezi kwa Mata 2017, ni bwo itsinda ry’intumwa zari ziturutse mu gihugu cya Maroc zaje mu Rwanda zihura n’abayobozi ba Ferwafa ndetse na Ministeri zirebwa n’ibikorwa byo kubaka aya mastades zirimo Ministeri y’Ubutegetsi bw’igihugu (MINALOC), Minisiteri y’ibikorwa remezo (MINIFRA) na Ministeri ya Siporo n’Umuco (MINISPOC).

Gicumbi: aha hajyaga hanyuzamo hakanaparikwa amapikipi hagiye kongera gukorwa neza

Kuri uyu wa Kabiri ubwo Perezida wa Ferwafa Nzamwita Vincent de Gaulle yari mu gihugu cya Maroc, yagiranye ibiganiro na Anouar Gueriri, umuyobozi wa Coter Terhrazaz Construction Company izubaka ibi bibuga, bemeza ko ubu uturere tubiri ari two tuzaherwaho muri Mata 2018.

Uruhande rumwe rw’aho abafana bicara muri Stade ya Gicumbi rwari rwaramezemo ibyatsi rugiye gutunganwa, aho hazajya hicara abantu 3000

Ikibuga kizashyirwamo ubwatsi bw’ubukorano

Muri ibi biganiro bemeranijwe ko mu kwezi kwa Gashyantare na Werurwe iyi kompanyi izaba iri kuzana ibikoresho bizifashishwa, maze nyuma imirimo yo kubaka izi stade ebyiri igahita itangira, aho hazanubakwa ahazajya hicara abafana byibura 3000 muri buri Stade.

Perezida wa FERWAFA Nzamwita Vincent de Gaulle n’Umuyobozi wa Coter Terhrazaz Construction Company yo muri Maroc, ejo i Cassablanca

Iyi kompanyi imaze kubaka ibibuga 63 bifite ubwatsi bw’ubukorano na 5 bifite ubwatsi bw’umwimerere mu gihugu cya Maroc, ikaba iteganya no kubaka ibibuga muri buri karere ko mu Rwanda kabyifuza kakazishyura mu gihe kirekire.

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )