KT TV
Ni umukino uzaba ufungura umwaka w’imikino wa 2023-2024, mbere y’uko na yo itangira tariki 18 Kanama 2023. Amatike y’uyu mukino azagurishwa mu byiciro, mbere y’umukino no ku munsi nyirizina w’umukino.
Uzagura itike mbere y’umukino kuva aya matike yashyirwa hanze, iyo kwicara ahasasanzwe ni 3,000Frw, mu myanya y’icyubahiro urwego rwa mbere ni ibihumbi 10Frw mu gihe imyanya y’icyubahiro urwego rwa kabiri ari ibihumbi 20Frw.
Naho ku muntu uzagura itike ku munsi nyirizina w’umukino, kwicara ahasanzwe bizamusaba kwishyura 5,000Frw, mu myanya y’icyubahiro urwego rwa mbere yishyure ibihumbi 15Frw mu gihe imyanya y’icyubahiro urwego rwa kabiri bizaba ari ibihumbi 30Frw. Kugura itike ni ugukanda *939# ugakurikiza amabwiriza.
Uyu ni umukino witezwe cyane n’abantu, kubera uko aya makipe yombi yiyubatse, cyane kuri APR FC yongeye kugarura abakinnyi b’Abanyamahanga nyuma y’imyaka 11 itabakoresha.
Ni umukino w’Igikombe kiruta ibindi wa kabiri ugiye guhuza APR FC na Rayon Sports, nyuma y’uko uwa mbere mu 2017 wakinwe iminsi ibiri ugakinirwa i Rubavu amatara akazima utarangiye ugasorezwa i Kigali, warangiye Rayon Sports itwaye igikombe itsinze 2-0.
Ibitekerezo ( 1 )
Ohereza igitekerezo
|
|
Mbega byiza tugiyekubona reyowe uraziwe na APER igiye kuja iguheka kumugonga reyowe hunga urapfuye