Bugesera FC irakira Rayon Sports: Icyo amateka avuga kuri uyu mukino

Kuri uyu wa Mbere tariki 21 Gashyantare 2022, ikipe ya Bugesera FC itazi gutsinda Rayon Sports uko bimera kuva muri 2017, ku munsi wa 18 wa shampiyona y’icyiciro cya mbere mu Rwanda 2021-2022, irayakirira kuri stade ya Bugesera.

Kuva muri 2017, ikipe ya Bugesera FC ntabwo izi uko gutsinda Rayon Sports bimera, kuko mu mikino umunani (8) amakipe yombi yakinnye mu myaka itanu ishize muri shampiyona, Bugesera FC yatsinze Rayon Sports umukino umwe (1) wabaye tariki 21 Ukwakira 2017, ubwo yayitsindaga igitego 1-0 mu mukino wabereye kuri stade ya Bugesera, aho inayakirira kuri uyu wa mbere, kuva icyo gihe kugeza ubu Bugesera FC ntiheruka gutsinda Rayon Sports.

Muri rusange imikino umunani imaze guhuza amakipe yombi kuva mu 2017, Rayon Sports yatsinzemo itandatu (6), Bugesera FC itsindamo umukino umwe (1), amakipe yombi anganya umukino umwe (1). Muri iyo mikino Rayon Sports yinjije mu izamu rya Bugesera FC ibitego 18 mu gihe Bugesera FC yinjije ibitego bitanu (5).

Muri iyo mikino umunani (8) Bugesera FC yakiriyemo Rayon Sports imikino itatu (3), aho muriyo umwe ariwo yayitsinze, mu gihe Rayon Sports yo yatsinze umukino umwe yasuye Bugesera FC, amakipe yombi akanganyiriza kuri stade ya Bugesera umukino umwe (1).

Bugesera FC muri rusange mu mikino itanu (5) iheruka gukina muri iyi shampiyona ya 2021-2022, yatsinzemo ibiri (2) inganya ibiri (2), itsindwa umwe (1). Yinjijemo ibitego bitanu (5) yinjizwa bitatu (3). Muri iyo mikino kandi Bugesera FC yakiriyemo mu rugo itatu (3), ihatsindirwa umukino umwe (1), ihanganyiriza umwe (1) nayo ihatsindira umwe (1), mu gihe mu mikino itanu (5) iheruka kwakirira mu rugo muri iyi shampiyona yahanganyirije imikino itatu (3) ihatsindira umwe (1) ikahatsindirwa umukino umwe (1).

Rayon Sports mu mikino itanu (5) iheruka gukina muri shampiyona ya 2021-2022 yatsinzemo imikino itatu (3), itsindwa ibiri (2). Muri iyo mikino yose yinjijemo ibitego bine (4) yinjizwa bine (4). Muri iyo mikino yakiniye hanze ibiri (2), itsindirayo umukino umwe (1) ihatsindirwa umwe (1), mu gihe muri rusange mu mikino itanu (5) Rayon Sports iheruka gukina yasohotse yatsinzemo ibiri (2) itsindwa ibiri (2) inganya umukino umwe (1).

Mu mikino 17 ya shampiyona yose imaze gukinwa, Bugesera FC imaze kwakira imikino umunani (8) itsindamo ibiri(2), itsindwa ibiri (2), inganya imikino ine (4), mu gihe Rayon Sports mu mikino 17 ya shampiyona imaze gukina, yakiniye hanze imikino umuni (8) igatsindamo ibiri (2), itsindirwa itatu (3) inganya imikino itatu (3).

Kugeza ubu Bugesera FC iri ku mwanya wa cumi n’amanota 19 n’ibitego 22 yatsinze, igatsindwa 22, nta gitego na kimwe izigamye. Rayon Sports iri ku mwanya wa gatanu, ifite amanota 29 n’ibitego 18 yatsinze, igatsindwa 15, ubwo izigamye ibitego bitatu (3).

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka