Manishimwe Djabel wari Kapiteni wa APR FC biravugwa ko ari mu basezerewe

Iyo nama yari iteganyijwe ku isaha ya saa kumi z’igicamunsi ku cyicaro cy’ikipe ya APR FC ku Kimihurura, igatangarizwamo abakinnyi basezererwa burundu ndetse n’abatizwa.

Nyuma y’iyi nama urutonde rwasohowe na Televiziyo y’u Rwanda, rugaragaza ko abakinnyi 10 bayobowe na kapiteni Manishimwe Djabel aribo APR FC yasezereye burundu, ndetse n’abandi babiri bagomba gutizwa barimo Mugunga Yves na Ishimwe Anicet.

Nubwo bimeze gutyo ariko umwe mu bitabiriye iyi nama waganiriye na Kigali Today, yadutangarije ko abakinnyi bamenyeshejwe ko bazatangira imyitozo ku wa Kane, nyuma abatazakomezanya n’ikipe bakaza kubimenyeshwa umwe ku giti cye ku itumanaho.

Mugunga Yves

Izina ryatunguranye muri aba bakinnyi ni Mugisha Bonheur bakunda kwita Casemiro ukina hagati mu kibuga yugarira, uyu yatunguranye kuko ari mu bakinnyi ngenderwaho iyi kipe yifashisha mu mikino myinshi, kuko iyo yabaga atavunitse yabaga ari mu kibuga.

Uyu musore wageze muri APR FC avuye muri Mukura VS, yari asoje amasezerano ye ndetse ubwo yaganiraga na Kigali Today mu minsi ishize, yayibwiye ko afite amakipe amwifuza hanze y’u Rwanda ariko ikipe ya APR FC nayo yifuza ko yayongerera amasezerano aho icyo gihe yari ategereje ibiganiro na yo, ariko we yifuza kuba yajya hanze y’u Rwanda.

Imwe mu makipe yamwifuzaga ni Stade Tunisien yo mu cyiciro cya mbere, mu gihugu cya Tunisia.

Ishimwe Anicet

Urutonde rw’abakinnyi bivugwa ko batandukanye n’ikipe ya APR FC:

1. Manishimwe Djabel
2. Itangishaka Blaise
3. Rwabuhihi Placide
4. Ishimwe Fiston
5. Ndikumana Fabio
6. Nsanzimfura Keddy
7. Ndayishimiye Dieudonné (Nzotanga)
8. Uwiduhaye Aboubakar
9. Nsengiyumva Irishad
10. Mugisha Boneur

ABATIJWE (Mukura VS yari yasabye ko yatizwamo umwe):

1. Mugunga Yves
2. Ishimwe Anicet

MENYA UMWANDITSI

Jean Jules Uwimana

Umunyamakuru

@UwimanaJeanJul1

Reba inkuru zose nanditse ( 564 )