Babua Samson yasezeye ikipe ya Sunrise

Rutahizamu w’Ikipe ya Sunrise Omovire Babua Samson yasezeye mu ikipe ya Sunrise nyuma y’imyaka ine yari amaze akinira iyi kipe yo mu Burasirazuba bw’u Rwanda.

Babua Samson (w
Babua Samson (w’imisatsi y’umweru) yifuzwa n’amakipe atandukanye yo mu Rwanda no mu Karere

Mu butumwa buri mu rurimi rw’Icyongereza yasangije abamukurikira ku mbuga nkoranyambaga, yavuze ko asezeye muri Sunrise. Ubwo butumwa buragira buti "Umwaka w’imikino 2019/2020 urasubitswe, murabeho Sunrise, urabeho Nyagatare ndishimira ibihe byiza nagiriye mu Ntara y’Iburasirazuba."

Babua Samson yageze muri Sunrise mu mwaka wa 2016/2017 avuye mu ikipe ya El Wasta yo mu cyiciro cya kabiri mu gihugu cya Misiri. Mu mikino 22 yakinnye muri iyi kipe yatsinzemo ibitego birindwi atanga imipira 10 yavuyemo ibitego.

Mu myaka y’imikino ine amaze mu Rwanda akinira ikipe ya Sunrise yari amaze gutsinda ibitego 42 mu marushanwa atandukanye yakinnye muri iyi kipe.

Amakipe atandukanye arimo Kiyovu Sports na Rayon Sports yo mu Rwanda aravugwa mu makipe ashaka gusinyisha uyu musore. Azam Fc na Yanga Africans yo muri Tanzania na yo ngo ashobora gushora imari kuri uyu musore uvuka muri Nigeria.

MENYA UMWANDITSI

National Football League 2019/2020

kigalitoday android app mobile

Ibitekerezo   ( 1 )

izihe mbuga nkoranya mbaga ko mutazisobanura

mugabo yanditse ku itariki ya: 7-05-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka