AS Kigali yegukanye igikombe cy’Amahoro, Umutoza Cassa akora andi mateka

Ikipe ya AS Kigali yegukanye igikombe cy’Amahoro nyuma yo gutsinda APR FC igitego 1-0, umutoza Cassa Mbungo yandika amateka yo gutwara iki gikombe inshuro eshatu

Habanje gufatwa umunota wo kwibuka Karenzi Khassim wakiniye Rayon Sports n'Amavubi
Habanje gufatwa umunota wo kwibuka Karenzi Khassim wakiniye Rayon Sports n’Amavubi

AS Kigali yabonye uburyo bukomeye ku munota wa 15 ku ishoti rikomeye ryatewe na Tchabalala, umunyezamu Ishimwe Jean Pierre arasimbuka awurenza izamu.

Ikipe ya AS Kigali yafunguye amazamu ku munota wa 30 w’umukino, ku mupira waturutse kuri Aboubakar Lawal, awinjiriza Ishimwe Christian wahise asiga Omborenga, ahindura umupira mu rubuga rw’amahina ufungwa gato na Tchabalala, maze Kalisa Rachid ahita awohereza mu izamu.

Mu mukino wakomeje kurangwa n’ishyaka ryinshi hakazamo gushwana hagati y’abakinnyi ndetse no kutemera ibyemezo by’abasifuzi, igice cya mbere cyarangiye AS Kigali iyoboye umukino ku gitego 1-0.

Nyuma y’iminota 10 gusa y’igice cya kabiri, umutoza Adil Mohamed yahise akuramo ubusatirizi bwari bugizwe na Nshuti Innocent, Mugisha Gilbert na Bizimana Yannick, yinjizamo Byiringiro Lague, Mugunga Yves ns Ishimwe Anicet.

Umutoza Cassa Mbungo André nawe yaje gusimbuza batatu icya rimwe aho Sugira Ernest, Niyibizi Ramadhan, na Rukundo Denis basimbuye Aboubakar Lawal, Tchabalala na Rugirayabo Hassan.

Nyuma yo gukomeza guhatana, umukino waje kurangira bikiri igitego 1-0 cya AS Kigali , yegukana igikombe cy’Amahoro ari nayo yari ifite iki gikombe cyaherukaga gukinwa mu mwaka wa 2019.

AS Kigali yegukanye igikombe cy'Amahoro ku nshuro ya kane
AS Kigali yegukanye igikombe cy’Amahoro ku nshuro ya kane

Abakinnyi babanje mu kibuga:

AS Kigali: Ntwali Fiacre, Rugirayabo Hassani, Kwitonda Ally, Bishira Latif, Ishimwe Christian, Niyonzima Olivier "Sefu", Kalisa Rachid, Mugheni Fabrice, Niyonzima Olivier, Abubakar Lawal, Shabani Hussein "Tchabalala"

APR FC: Ishimwe Pierre, Niyomugabo Claude, Buregeya Prince, Nsabimana Aimable, Fitina Omborenga, Mugisha Bonheur, Ruboneka Jean Bosco, Manishimwe Djabel, Mugisha Gilbert, Nshuti Innocent, Bizimana Yannick

kigalitoday android app mobile

Ibitekerezo   ( 4 )

Cyakora niba ikipe ya APR FC nk’ikipe ikomeye dufite mu Rwanda kandi ihemba neza kugira ngo izagere mu matsinda igomba gushaka nibura abanyamahanga 4. Umunyezamu, abasatirizi 2 batsinda n’umudefenseur 1. Tuzaba twizeye ko hari Aho twagera.

Safari Dieudonné yanditse ku itariki ya: 5-07-2022  →  Musubize

Cyakora niba ikipe ya APR FC nk’ikipe ikomeye dufite mu Rwanda kandi ihemba neza kugira ngo izagere mu matsinda igomba gushaka nibura abanyamahanga 4. Umunyezamu, abasatirizi 2 batsinda n’umudefenseur 1. Tuzaba twizeye ko hari Aho twagera.

Safari Dieudonné yanditse ku itariki ya: 5-07-2022  →  Musubize

Mwarakozeto ndabakunda

Tuyiringire yanditse ku itariki ya: 30-06-2022  →  Musubize

Ubayobozi ba apr bisubireho batuzanire abanyamahanga kuko mumatsinda bavuga ntibateze kuhagera bagifite iriya portike.

Niyokwiringirwa benjamin yanditse ku itariki ya: 28-06-2022  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka