Kuri Stade ya Kigali i Nyamirambo kuri iki Cyumweru, haberaga umukino ubanza wa CAF Confederation Cup wahuje AS Kigali na Daring Club Motema Pembe.

Ikipe ya Daring Club Motema Pembe yafunguye amazamu ku munota wa munani, ku gitego cyatsinzwe na Kasereka Apianom 8.

Mbere y’uko igice cya mbere kirangira, DCMP yari yakomeje kurusha AS Kigali yatsinze igitego cya kabiri cyatsinzwe na
Katulondi Kati ku munota wa 45.

Mu gice cya kabiri cy’umukino, AS Kigali yakoze impinduka zitandukanye aho yinjijemo Haruna Niyonzima wasimbuye Buteera Andrew.

AS Kigali yaje kubona igitego cyatsinzwe ku munota wa 60 na Kwizera Pierrot, ikomeza gushaka ikindi aho nko ku munota wa nyuma Biramahire Abeddy yahushije uburyo bwari bwabazwe.

Abakinnyi babanje mu kibuga ku mpande zombi:

AS Kigali: Ntwari Fiacre, Rukundo Denis, Rurangwa Mossi, Bishira Latif, Ishimwe Christian, Butera Andrew, Shaban Hussein, Kakule Mugheni Fabrice, Kwizera Pierrot, Abubakar Lawal, Niyibizi Ramadhan.

DCMP: Henock Kamalanduaka Kama, Henock Mangindula, Arianom Kasereka, Ikanga Kapela, Ikoyo Iyembe, Katulondi Kati, Christian Nsundi Landu, Mbomba Motu, Likuta Luezi, Kayembe Ndotoni , Karim Kimvuindi Ntikubuka