APR FC yatsinze Police FC , Mukura VS yandagazwa na Kiyovu Sports

Ikipe ya APR FC yatsinze Police FC igitego kimwe cyatsinzwe na Nshuti Innocent cyongera amahirwe yo gutwara igikombe cy’Intwari. Mukura VS yo ikomeje kuba insina ngufi muri iyi mikino yatsinzwe na Kiyovu Sports ibitego 4 kuri 2.

Mukura VS yagowe n
Mukura VS yagowe n’iri rushanwa kuko imaze gutsindwa ibitego 7 mu mikino 2

Ni imikino y’umunsi wa kabiri w’irushanwa ry’umunsi w’intwari 2020 yakinwe kuwa kabiri tariki ya 28 Mutarama 2020 kuri sitade ya Kigali iherereye i Nyamirambo.

Umukino wahuje Mukura VS na Kiyovu Sports watangiye ukererewe kubera imvura nyinshi yiriwe igwa mu Mujyi wa Kigali.

Abakinnyi 11 ba Mukura VS babanje mu kibuga

Bikorimana Gerard (umunyezamu), Biraboneye Aphrodis 25, Manzi Aimable 13, Umwungeri Patrick 30, Rugirayabo Hassan 5, Mutabazi Hakim 6, Niyonkuru Ramadhan 23, Ntwari Evode 10, Tuyishimire Eric 24, Iradukunda Jean Bertrand 17, Muniru Abdulahman 9.

Abakinnyi 11 ba Kiyovu Sports

Nzeyurwanda Djihad (umunyezamu), Habamahoro vicent 19, Mutangana Deick 15, Mbogo Ali 30, Mbonyingabo Regis 24, Nahimana Isiaka 11, Mbanzoo Nkoto Karim 21, Twizerimana Martin Fabrice 27, Armel Gislain 14, Saba Robert 16, na Nsengiyumva Mustafa 22.

Kiyovu Sports ni yo yafunguye amazamu ku munota wa 11 ku gitego cyatsinzwe naTwizeyimana Martin Fabrice. Nyuma y’iminota 3 Mukura yahise yishyura iki gitego cyatsinzwe na Iradukunda Bertrand ku munota wa 14 w’umukino. Kiyovu Sports yasatiriye cyane Mukura VS iza kubona igitego cya kabiri ku munota wa 33 cyatsinzwe na Robert Saba. Igice cya mbere cyarangiye kiyobowe na Kiyovu Sports ifite ibitego 2 kuri 1 cya Mukura VS.

Igice cya kabiri cyatangiranye imbaraga ku mpande zombi ariko Kiyovu Sports yerekanaga gusatira gukomeye cyane aho yaje kubona Penaliti ku munota wa 48 ku ikosa ryari rikozwe na myugariro Manzi Aimable maze Twizerimana Martin Fabrice arayihusha.

Kiyovu Sports yasatiraga bikomeye yaje gutsinda igitego cya gatatu cyatsinzwe na Nizeyimana Jean Claude bita Rutsiro ku munota wa 50.

Mukura Vs yaje gusatira bikomeye cyane ibona igitego cya kabiri ku munota wa 58 cyatsinzwe na Ndizeye Innocent bita Kigeme.

Umunsi wa kabiri Kiyovu yari yawiteguye bihagije yaje gutsinda igitego cya kane ku munota wa 83 gitsinzwe na Twizerimana Martin Fabrice wagoye Mukura cyane , umukino urangira Kiyovu Sports itsinze ibitego 4 kuri 2 bya Mukura VS.

Nyuma y’uyu mikino hakurikiyeho umukino wahuje amakipe y’umutekano. Ayo ni Police FC y’igipolisi cy’u Rwanda ndetse na APR FC y’ingabo z’u Rwanda.

Abakinnyi 11 ba Police babanje mu kibuga

Habarurema Gahungu Emmanuel (umunyezamu), Ndayishimiye Celestin 3, Mpozembizi Mohammed 21, Moussa Omar 15, John Turatsinze 4, Munyakazi Yussuf Lule 20, Eric Ngendahimana 24, Mico Justin 10, Nshuti Dominique Savio 27, Kubwimana Cedric bita Jay Polly 5, Iyabivuze Osée 22.

Abakinnyi 11 ba APR FC babanje mu kibuga

Ahishakiye Heritier (GK.31), Manzi Thierry (C.4), Mutsinzi Ange Jimmy 5, Manishimwe Emmanuel 24, Rwabuhihi Placide 6, Ombolenga Fitina 25, Buteera Andrew 20, Bukuru Christophe 15, Mushimiyimana Mohammed 13, Nshuti Innocemt 17, Buregeya Prince 18, Usengimana Danny 19.

Ni umukino watangiye ku isaha ya saa kumi n’ebyiri z’umugoroba. Amakipe yombi yatangiye yigana, akinira hagati cyane, akoresha n’impande cyane. Mu gice cya mbere nta buryo bwinshi bwabonetse, byanatumye kirangira amakipe yombi anganya ubusa ku busa.

Igice cya kabiri cyatangiranye ubusatirizi bukomeye bwa APR FC bwaje no kuvamo koruneri ku munota wa 53 maze Butera Andrew ayiteye Nshuti Innocent atsinda igitego.

Police FC yabonye uburyo bwo kuba yishyura iki gitego ariko ubwugarizi bwa APR FC bwihagararaho bituma umukino urangira APR FC ibonye amanota 3 ihita yuzuza amanota 6.

Uko imikino yagenze

Umunsi wa mbere tariki ya 25 Mutarama 2020

Mukura VS 1-3 APR FC
Police FC 2-1 Kiyovu SC

Umunsi wa kabiri tariki ya 28 Mutarama 2020

Kiyovu SC 4-2 Mukura VS (Kigali Stadium, 15:00)
Police FC 0-1 APR FC (Kigali Stadium, 18:00)

Umunsi wa 3 tariki ya 31 Mutarama 2020

Scandinavia WFC vs AS Kigali WFC (Kigali Stadium, 13:00)
RDF Winner 1 vs RDF Winner 2 (Kigali Stadium, 15:30)

Umunsi wa 4, tariki ya Mbere Gashyantare , 2020

Mukura VS vs Police FC (Kigali Stadium, 15:00)
Kiyovu SC vs APR FC (Kigali Stadium, 18:00)

Uko urutonde ruhagaze

1. APR FC imikino 2 amanota 6 izigamye ibitego 3
2. Kiyovu Sports Imikino 2 amanota 3 izigamye igitego 1
3. Police FC imikino 2 amanota 3 ,nta gitego izigamye nta n’umwenda
4. Mukura VS amanota 0 umwenda w’ibitego 4.

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka