APR FC iratangirana na Rayon Sports:Gahunda y’umwaka w’imikino wa 2023-2024

Kuri uyu wa Mbere, ishyirahamwe ry’Umupira w’Amaguru mu Rwanda ryatangaje ingengabihe y’umwaka w’imikino wa 2023-2024 uzatangizwa n’umukino w’abakeba.

Rayon Sports na APR FC ni zo zizatangize umwaka w'imikino wa 2023-2023
Rayon Sports na APR FC ni zo zizatangize umwaka w’imikino wa 2023-2023

Uyu mwaka w’imikino wa 2023-2024 uzatangira tariki ya 2 Kanama 2023 ubanzirizwe n’umukino w’Igikimbe kiruta ibindi (Super Cup) uhuza ikipe yatwaye shampiyona y’icyiciro cya mbere ndetse n’iyatwaye Igikombe cy’Amahoro.

Ibi bisonuye ko uyu mwaka w’imikino uzafungurwa n’umukino karundura uzahuza APR FC yatwaye shampiyona ya 2022-2023 ndetse na Rayon Sports yegukanye Igikombe cy’Amahoro muri uwo mwaka w’imikino.

Nyuma y’icyumweru kimwe gusa tariki ya 18 Kanama 2023 ni bwo hazahita hatangira shampiyona y’icyiciro cya mbere mu bagabo 2023-2024, ikazasozwa tariki ya 2 Kamena 2024.

Espoir FC 2023-2024 nayo izakina icyiciro cya kabiri nyuma yo kumanuka iva mu cyiciro cya mbere 2022-2023
Espoir FC 2023-2024 nayo izakina icyiciro cya kabiri nyuma yo kumanuka iva mu cyiciro cya mbere 2022-2023

Gahunda y’umwaka w’imikino wa 2023-2024 muri rusange:

Amatariki yo kuzirikana muri shampiyona y’icyiciro cya mbere 2023-2024:

1. Shampiyona izatangira tariki 18 Kanama 2023.

2. Imikino ibanza izasozwa tariki 24 Ukuboza 2023.

3. Kuva tariki 25 Ukuboza 2023 hazaba harimo ikiruhuko cy’Igikombe cya Afurika 2023 kiizaba hagati ya Mutarama na Gashyantare 2024 ndetse n’igihe cyo kongeramo abakinnyi ku makipe.

4.Imikino yo kwishyura ya shampiyona izatangira tariki 16 Gashyantare 2023 ,shampiyona yongere guhagarara hagati y’itariki 7 kugeza 13 Mata 2024 mu cyumweru cyo Kwibuka ku nshuro ya 30 Jenoside yakorewe Abatutsi mu 1994.

5.Shampiyona izongera gusubukurwa tariki 16 Mata 2024 ikaba izasozwa tariki 2 Kamena 2024.

Gahunda y’andi marushanwa mu bindi byiciro mu mwaka w’imikino wa 2023-2024:

1. SHAMPIYONA Y’ICYICIRO CYA KABIRI MU BAGABO 2023-2024:

Shampiyona izatangira tariki 11 Ugushyingo 2023 isozwe tariki 23 Gicurasi 2024.

2.SHAMPIYONA Y’ICYICIRO CYA MBERE MU BAGORE 2023-2024:

Shampiyona izatangira tariki 14 Ukwakira 2023 isozwe tariki 3 Werurwe 2023.

3.SHAMPIYONA Y’ICYICIRO CYA KABIRI MU BAGORE 2023-2024:

Shampiyona izatangira tariki ya 18 Ugushyingo 2023 isozwe tariki 3 Werurwe 2024.

FERWAFA kandi yatangaje ko gahunda y’igikombe cy’Amahoro 2023-2024 mu bagabo n’abagore ndetse n’irushanwa ryo Kwibuka Jenoside yakorewe Abatutsi mu 1994 izatangazwa nyuma.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka