![](IMG/jpg/55-6.jpg)
Ku munota wa 13, Amavubi yatsinze igitego cya mbere, ku mupira yari ahawe na Byiringiro Lague, Nshuti Innocent yawihereje imbere ye n’umutwe atera ishoti rikomeye umunyezamu ntiyabasha kuwukuramo.
Ku munota wa 28 w’umukino, AMAVUBI yari yakomeje kurusha ikipe ya Bafana Bafana, yaje gutsinda igitego cya kabiri cyatsinzwe na Mugisha Gilbert.
![Mugisha Gilbert watsindiye Amavubi igitego cya kabiri Mugisha Gilbert watsindiye Amavubi igitego cya kabiri](IMG/jpg/img-20231121-wa0089.jpg)
Nyuma y’iki gitego, ba myugariro b’Amavubi bari bameze nk’abatangiye kwirara, baje gukora amakosa atatu bihera Afurika y’Epfo, ku bw’amahirwe ntihagira ikivamo.
Igice cya mbere cy’umukino cyongeweho iminota itatu, cyaje kurangira Amavubi akiyoboye umukino ndetse anayoboye itsinda rya gatatu (C) by’agateganyo.
Ku munota wa 45 igice cya kabiri kigitangira, Sibomana Patrick ukinira Gor Mahia yo muri Kenya yasimbuye Byiringiro Lague wa Sandvikens IF yo muri Sweden, nyunma Hakim Sahabo ahita ahagurutswa ngo yishyushye , aho yakomewe amashyi menshi n’abafana.
![Mutsinzi Ange na Themba Zwane wa Afurika y'Epfo Mutsinzi Ange na Themba Zwane wa Afurika y'Epfo](IMG/jpg/img-20231121-wa0090.jpg)
Umutoza w’Amavubi yongeye gukora impinduka akuramo Muhire Kevin, nyuma havamo Nshuti Innocent asimburwa ba Mugenzi Bienvenu. Nyuma y’iminota ine gusa Niyomugabo Claude yasimbuye Mugisha Gilbert.
![Manzi Thierry imbere ya Percy Tau wa Al Ahly Manzi Thierry imbere ya Percy Tau wa Al Ahly](IMG/jpg/img-20231121-wa0088.jpg)
![Bizimana Djihad na Emmanuel Imanishinwe bacungiye hafi Tau Oercy Bizimana Djihad na Emmanuel Imanishinwe bacungiye hafi Tau Oercy](IMG/jpg/img-20231121-wa0084.jpg)
![](IMG/jpg/img-20231121-wa0086.jpg)
![](IMG/jpg/img-20231121-wa0087.jpg)
.
Ikipe ya Afurika y’Epfo yakomeje gushaka uko yakwishyura ariko umunyezamu Ntwari Fiacre ababera ibamba, iminota ine yongeweho irangira nta mpinduka.
Nyuma y’iyi ntsinzi, ubu u Rwanda ruyoboye itsinda n’Amanota 4, iyi mikino ikazakomeza umwaka utaha mu kwa Gatandatu.
Abakinnyi babanje mu kibuga:
Amavubi (Rwanda):
Ntwari Fiacre, Omborenga Fitina, Imanishimwe Emmanuel, Mutsinzi Ange, Manzi Thierry, Niyonzima Olivier Seif, Bizimama Djihad (c), Muhire Kevin, Mugisha Gilbert, Byiringiro Lague na Nshuti Innocent
![](IMG/jpg/66-4.jpg)
Afurika y’Epfo: Ronwen Williams, Bongokuhe Hlongwane, Mihlali Mayambela, Aubrey Modiba, Teboho Mokoena, Khuliso Mudau, Nkosinathi Sibisi, Sphephelo Sithole, Percy Muzi Tau, Siyanda Xulu, Themba Zwane
![Umunyezamu Ntwari Fiacre yitwaye neza imbere y'abakinnyi benshi basanzwe bakina muri shampiyona imwe Umunyezamu Ntwari Fiacre yitwaye neza imbere y'abakinnyi benshi basanzwe bakina muri shampiyona imwe](IMG/jpg/44-8.jpg)
Ibitekerezo ( 5 )
Ohereza igitekerezo
|
Oyeeee oyeeeeeeee!
Byiza cyane amavubi tuyarinyuma
Amavubi oyee
Tusashima umutozawa Mavubi arikubikora eza nakomereze aho
Congratulations ku Mavubi n’Abanyarwanda twese !
Amavubi aturaje neza ! Abasore bacu n’abatoza ni abo gushimirwa.