Mu minsi ishize ni bwo irerero ry’umupira w’amaguru rizwi nka Top Guyz Fc ryari ryandikiye Ferwafa, rirega ikipe ya Rayon Sports ko yasinyishije umukinnyi bazamuye witwa Iradukunda Axel ariko ntibahabwe indezo.

Mu kwisobanura, ikipe ya Rayon Sports yavuze ko itigeze yanga gutanga indezo ahubwo ko n’ikipe y’Isonga FC nayo yabareze ivuga ko ishaka indezo, ikaba itegereje umwanzuro wa FERWAFA wo kumenya uzahabwa indezo.

Iradukunda Axel w’imyaka 17 yatangiye no gukinira Rayon Sports

Iri rerero rya Top Guys FC ryatanze muri Ferwafa ibyangombwa byerekana ko ari bo bareze uyu mwaka akiri muto, ariko babura ibyangombwa bigaragaza ko ari abanyamuryango b’Ijabo Ryawe Rwanda nk’uko bari babisabwe.

Abagize akanama gashinzwe gukemura amakimbirane muri Ferwafa, karateranye gafata umwanzuro w’uko iki kirego kitagomba kwakirwa ngo gisuzumwe kuko ububasha bwako bugarukira mu gukemura amakimbirane ari hagati y’abanyamuryango ba Ferwafa.

Uko ikirego giteye n’umwanzuro wafashwe mu buryo burambuye

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )