Bajyanye n’umunyamakuru Rigoga Ruth uri mu bashinzwe kumenyekanisha ibikorwa by’Ikigo gifite uburyo bwo gutega ku mikino (betting) buzwi nka Gorilla Games.

Bahagurutse i Kigali n’indege ya saa yine n’igice z’ijoro rishyira ku wa Kane tariki 21 Mata 2022, banyura Entebbe muri Uganda bakomereza Istanbul muri Turukiya, bahafatira indi ndege ibageza mu Bwongereza, bagezeyo bafata imodoka ibageza kuri Hoteli.

Nahasoni Innocent, umwe muri abo banyamahirwe, yasobanuye birambuye uko urugendo rwagenze, by’umwihariko mu nzira ndetse no mu Bwongereza ati “ Twageze kuri Hoteli i London saa kumi n’ebyiri z’umugoroba ku wa Kane, ku wa Gatanu bajya kudutembereza i London, ku wa Gatandatu tubyuka kare saa moya, dufata icyayi, twerekeza kuri sitade. Twagiye na Gari ya moshi kuko ni zo zikora cyane hariya mu Bwongereza.”

“Twageze kuri sitade habura isaha n’igice ngo umukin utangire (wagombaga gutangira saa saba n’igice z’amanywa), tubanza gutembera tuzenguruka kuri sitade, tureba ibigize sitade. Sitade ya Arsenal ikikijwe n’amateka y’abantu bose bafite amateka akomeye muri iyo kipe.”

“Nyuma yaho twinjiye muri sitade, tureba umukino mwiza, Arsenal itsinda Manchester United ibitego bitatu kuri kimwe. Nyuma y’umukino twasubiye kuri Hoteli nanone dukoresheje Gari ya moshi. Twageze kuri Hoteli amasaha akuze mu ma saa kumi z’umugoroba kuko iyo hariya wateze Gari ya moshi utega inshuro nk’eshatu. Tugeze kuri Hoteli twatangiye kwitegura urugendo rugaruka. Ku Cyumweru tariki 24 Mata 2022 mu gitondo saa kumi n’ebyiri twari twageze kuri Taxi idusubiza ku kibuga cy’indege, nuko turagaruka. Mu kugaruka ntitwongeye guca Entebbe muri Uganda, ahubwo twavuye Istanbul muri Turukiya, duhita dukomeza tugera i Kanombe. Twageze i Kigali ahagana saa sita n’igice mu ijoro ryo ku Cyumweru rishyira ku wa Mbere.”

Mu byo Nahasoni avuga byamushimishije cyane, harimo n’urwo rugendo yakoze n’indege. Ati “Bwari ubwa mbere nkora urugendo n’indege, nkabya inzozi zo kugera mu Bwongereza. Navuga ngo inzozi zanjye zabaye impamo.”

Mu bindi bidasanzwe yaboneye muri urwo rugendo ndetse no mu mukino ukomeye yarebye, ngo ni ikoranabuhanga bakoresha cyane cyane mu kugura amatike no kwinjira muri sitade. Ati “Ku muryango hakoreshwa ikoranabuhanga mu gusuzuma itike, babona nta manyanga arimo umuryango ukabona gufunguka.”

Naho ku byerekeranye n’imigendekere y’umukino, Nahasoni avuga ko yafanaga Manchester United ariko bitari cyane kuko ubusanzwe we afana FC Barcelone yo muri Esipanye. Mu bindi byamutengaje ngo ni umurindi w’abafana, kuko bafana kuva umukino utangiye kugeza urangiye.

Nahasoni yashimiye Gorilla Games yabahaye amahirwe yo gukora urwo rugendo, ashishikariza n’abandi kujya bitabira kugerageza amahirwe yabo, aboneraho no kubamara impungenge kuko byose bikorwa mu mucyo.

Undi wabwiye Kigali Today iby’urwo rugendo ni uwitwa Mukundente Fiona. Avuga ko urugendo muri rusange rwagenze neza. Ati “Usibye ikirere cyari gikonje ugereranyije n’icya hano iwacu, ariko rwose ‘ambiance’ yari ihari ntabwo yatumaga umuntu yumva ko hakonje.”

Ati “Twarishimye, nyine inzozi zabaye impamo. Mbere twaravugaga ngo inzozi zigiye kuba impamo none byarabaye. Hari benshi bifuzaga kubona ayo mahirwe ariko ntibyabashobokera. Rero navuga ngo Gorilla Games badukoreye ikintu cyiza cyane.”

Mukundente avuga ko yafanaga Arsenal ndetse yishimira ko yatsinze Manchester United muri iyi minsi idahagaze neza.

Kurebera kuri sitade umukino nk’uyu wahuje amakipe y’ibihangange ngo byarabashimishije, bagereranyije n’uko bari basanzwe babarebera kuri televiziyo.

Mukundente ati “Washidukaga utareba umukino gusa, ahubwo warebaga n’abafana. Byari ibintu bibiri biryoshye:umukino ubwawo, noneho n’abafana na bo. Hari ibyo ubonera kuri sitade biruta ibyo ubonera kuri televiziyo.”
Mukundente Fiona na we ashimira Gorilla Games yabahaye amahirwe yo gutemberera mu Bwongereza no kureba umukino bari kuri sitade.

Ubukangurambaga bwo guhamagarira abantu kugerageza amahirwe yabo bwatangiye mu ntangiriro z’ukwezi kwa 12 mu mwaka ushize wa 2021. Ni ubukangurambaga (campaign) bwari bugamije gushaka abanyamahirwe mu bakina Gorilla Games, kugira ngo bazarebe umukino wiswe uw’inzozi kuko benshi ku isi baba bifuza kuwureba.

Ubukangurambaga bwagombaga kuba mu kwezi kwa cumi na kabiri muri 2021 ndetse no mu kwa mbere 2022. Mu mezi yakurikiyeho hakurikiyeho tombola, aho abantu bose bakinnye imikino ya Gorilla Games bakoresheje guhera ku mafaranga y’u Rwanda 1000 kuzamura bari bafite amahirwe.

Abatsinze bavuze ko ubu bukangurambaga bugitangira bamwe bumvaga ko ari ukubeshya, ariko noneho kuba Gorilla Games yarakoze ibyo yari yijeje abantu, ngo bikwiye gutuma barushaho kuyigirira icyizere.

Abo banyamahirwe, Gorilla Games yabishyuriye itike y’indege yo kujya i London mu Bwongereza no kugaruka i Kigali, bishyurirwa amatike yo kureba umukino, bishyurirwa Visa, ndetse bishyurirwa na Hoteli, ibyo kubatunga n’ibindi byose bari bakeneye muri urwo rugendo.

Ubuyobozi bwa Gorilla Games buvuga ko bene ibi bikorwa biba bigamije gushimira abakiliya bayo, ndetse no kubageza kuri bimwe mu byo baba batekereza ko ari inzozi kuri bo, nk’uko byasobanuwe na Gakwandi Chris ushinzwe kumenyekanisha ibikorwa (Brand Manager) muri Gorilla Games.

🔥Abanyamahirwe bacu baherekejwe na @rigogaruth bakaba bageze i London mu Bwongereza😊🛬 #IndotoZabayeImpamo#TegaUtsinde na #GorillaGames #KinaUtsinde #AhoUriHose mu #Rwanda pic.twitter.com/v8JffK3BnF

— Gorilla Games Africa (@GorillaGamesRw) April 21, 2022

Abanyamahirwe batsindiye I tike y'urugendo rwo kureba umukino uzahuza Arsenal na Manchester United kuri uyu wagatandatu Emirates bageze London hamwe na @GorillaGamesRw #InzoziZabayeImpamo pic.twitter.com/rgRSgQEZoG

— Rigoga Ruth (@rigogaruth) April 21, 2022

🙄 Fernandes weee pic.twitter.com/k3LNPS3MOL

— Rigoga Ruth (@rigogaruth) April 23, 2022

I had a chance of taking pictures with 3 statues of Arsenal legends adorn Emirates Stadium

Tony Adams
Thierry Henry
Dennis Bergkamp pic.twitter.com/Ghnv77LrAP

— Rigoga Ruth (@rigogaruth) April 24, 2022

Inkuru bijyanye:

Abanyamahirwe batatu bagiye kureba umukino wa Arsenal na Manchester United mu Bwongereza