Abafana bahanwe, Miliyoni 13 Frws n’abakinnyi batanu bashya mu byaranze inama y’abafana ba Rayon Sports

Ku gicamunsi cyo kuri uyu wa Kabiri, abafana b’ikipe ya Rayon Sports bakusanyije Miliyoni 13 Frws zo gufasha ikipe kongera kwiyubaka

Nyuma y’iminsi ishize hashyizweho komite y’inzibacyuho iyobowe na Murenzi Abdallah, batangiye gahunda zirimo gushaka uko iyi kipe yari imaze mu bibazo by’amikoro, yabisohokamo igategura neza umwaka utaha w’imikino.

Iyi nama yari yitabiriwe n’abagize iyi komite, abayobozi b’amatsinda y’abafana (Fan Clubs), ndetse n’abahoze bayobora amahuriro y’abafana.

Abayobozi ba Fan Clubs mu nama na Komite y
Abayobozi ba Fan Clubs mu nama na Komite y’inzibacyuho ya Rayon Sports

Twagirayezu Thadee uri muri Komite y’inzibacyuho, nyuma y’inama yatangaje ko gahunda y’iyi nama ari ukugarura ubumwe bw’abarayons hatitawe ku bari barahagaritswe ku buyobozi bwa Munyakazi Sadate

“Iyi nama nk’uko dufite ubutumwa bwo guhuza abarayons, tugamije kugera ku bumwe bw’abarayons, abayobozi b’ama Fan Clubs bose bari bari mu nama, bari muri iyi nama muri iyi nama kugira ngo tubahe ubutumwa bageze ku bakunzi ba Rayon bose”

Abajijwe impamvu hari Fan Clubs zari zarahagaritswe

Fan Clubs zose zagarutse kuko zagombaga kugaruka kuko ni iza Rayon Sports, ntabwo twatumiye ngo izi, ngo izindi zavuyemo, ni ubumwe bw’abarayons kandi byatanze umusaruro kuko bitanze hanavuyemo arenga Miliyoni 13 Frws.”

Abari mu bihano byavuyeho?

“Ku bwanjye ibihano ntabiriho, byagakwiye kuba byarafatiwe mu nteko rusange kandi twebwe turi kunga abarayons ntitwitaye ngo abari mu bihano, kandi wabibonye ko ari ubirimo n’utabirimo bose bahoberanye nta kibazo”

Rayon Sports mu kibuga ihagaze ite?

“Twabanje kuganira n’abakinnyi bari kumwe n’umutoza, by’umwihariko tuganira n’umutoza atubwira abakinnyi afite, atubwira aho akeneye abakinnyi ku myanya afitemo ibibazo, uyu munsi turabizi kandi turi kubikoraho.”

“Twari twateguye byibura kongeramo abakinnyi batanu, abo tugomba kurekura twabihariye umutoza ngo atubwire abo tugomba kurekura, byibura tugasigarana abakinnyi 25, kugira ngo tubike imyanya tuzongeramo mu mikino yo kwishyura”

Uko amatsinda y’abafana yiyemeje gutanga inkunga

Trust Supporters: 1.000.000 FRW
Ijwi ry’aba-Rayon: 100.000 FRW
The Blue Family: 200.000 FRW
Dream Unity: 300.000FRW
Isaro Fan Club: 200.000 FRW
Ubumwe bw’abarayon: 100.000 FRW
Ikondera Fan Club: 100.000 FRW
Kivu Belt Fan club : 300.000 FRW
Ishema ry’umu Rayon Fan Club: 100.000 FRW
Gikundiro iwacu Nyamagabe: 100.000 FRW
Rubavu fan club: 100.000 FRW
The Vert: 300.000 FRW
Gikundiro Lovers: 300.000 FRW
Lucky Jersey: 500.000 FRW
Murera Yacu: 200.000 FRW
Friends fan club: 400.000 FRW
Ijwi ry’abarayon Senior: 100.000 FRW
Blue Sky: 150.000 FRW
Intwari Fan club: 150.000 FRW
Champion Fan Club: 100.000 FRW
Rayon Sports Super Fans: 200.000 FRW
Rocket Fan Club: 1.000.000 FRW
Isibo Fan Club: 120.000 FRW
Ururembo: 100.000 FRW
Ruhango Fan Club: 100.000 FRW
Gikundiro yacu: 100.000 FRW
The Blue Winners: 1.000.000 FRW
March Generation: 1.000.000 FRW
Vision Fan Club: 500.000 FRW
Gikundiro Forever: 200.000 FRW
Igicumbi cy’abarayon: 100.000 FRW
Kinyaga Fan Club: 150.000 FRW
Smart Blue: 200.000 FRW
Urungano: 100.000 FRW
Imirasire: 400.000 FRW
Gisaka fan club: 100.000 FRW
Winning Team: 200.000 FRW
Gikundiro Senior: 300.000 FRW

Thadee Twagirayezu: 2.000.000 FRW
Claude Muhawenimana: 100.000 FRW

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka