Kenny Gasana mu bakinnyi bitabajwe na Patriots BBC muri Basketball African League
Umunyarwanda Kenneth Gasana yitabajwe na Patriots BBC mu mikino y’amajonjora ya Basketball African League azabera muri Tanzania kuva tariki ya 15-20 Ukwakira 2019.
Nk’uko amategeko y’iri rushanwa rigiye gukinwa bwa mbere kuri uyu mugabane abiteganya, ikipe yemerewe kongera abakinnyi 5 . abakinnyi 2 b’Abanyafurika, 2 bavuka hanze ya Afurika n’umwe wahawe ubwenegihugu.
Ku bw’iyo mpamvu ikipe ya Patriots BBC yitabaje Kenneth "Kenny" Wilson Gasana ukina muri Maroc , Nijimbere Guibert ukomoka i Burundi ukinira IPRC Kigali na George Wilbert ukina muri Canada, mu rwego rwo kongera imbaraga no kuyifasha kwitwara neza muri iyi mikino
Iyi mikino izatangira tariki ya 15-20 Ukwakira 2019 ikazabera muri Tanzania.
Uko amatsinda yose ateye:
Itsinda A: G.S.P (Algeria), Alnaser (Libia), AS Police (Mali) na SLAC (Guinea)
Itsinda B: ABC (Cote d’Ivoire), ASPAC (Benin), Braves (Ghana), AS NIGELEC (Niger) na NPA Pythons (Liberia)
Itsinda C: FAP (Cameroon), Les Abeilles (Central Africa), Manga (Gabon), Virgen Maria de Africa (Equatorial Guinea) na ASB Mazembe (DR Congo).
Itsinda D: Patriots BBC (Rwanda), City Oilers (Uganda), Hawassa (Ethiopia), JKT BBC (Tanzania), Brave Hearts (Malawi) na Dynamo BBC (Burundi).
Itsinda E: Ferroviario Maputo (Mozambique), JOZI Nuggets (South Africa), Mercenaries (Zimbabwe), Dolphins (Botswana), Lions Club (Namibia) n’ikipe itaramenyekana yo muri (Zambia).
Itsinda F: KPA (Kenya), GNBC (Madagascar), Beau- Vallon Heat (Mauritius), ikipe yo muri Comores ndetse n’iya Seychelles
Patriots BBC ikomeje imyitozo aho ikora inshuro ebyiri ku munsi, ishobora guhaguruka ku wa mbere ikaba ifite intego yo kuba iya mbere mu itsinda iherereyemo.
Ibitekerezo
Ohereza igitekerezo
|