KT TV
Basketball: Patriots BBC yatsinze APR BBC bisubira ibubisi mu mikino ya kamarampaka
Mu mikino ya kamarampaka muri shampiyona ya basketball, ikipe ya Patriots BBC yatsinze APR BBC amanota 61-49, amakipe yombi anganya imikino 2-2.
Dore uko umukino wagendaga agace ku kandi
Ni umukino watangiranye ishyaka ku mpande zombi, gusa ubona harimo ukwigegensera cyane ku bakinnyi ngo hato badakora amakosa hakiri kare.
Mu gace ka mbere ntabwo hatsinzwemo amanota menshi ugereranyije n’imikino yabanje, yewe nta nubwo harimo ikinyuranyo hagati y’amakipe yombi kuko aka gace karangiye anganya amanota 14 kuri 14.
Mu gace ka kabiri mbere yuko amakipe ajya kuruhuka, ikipe ya Patriots yari imbere nanone n’amanota 10 mu gihe ikipe ya APR BBC yo yari imaze gutsinda amanota 6 gusa.
Mu gace ka gatatu, ikipe ya Patriots BBC yakomerejeho ndetse rwose ubona ishaka gushyiramo ikinyuranyo kinini hagati yayo na APR BBC. Aka gace n’ubundi kaje kwegukanwa n’ikipe ya Patriots ku manota 24 kuri 20 y’ikipe ya APR BBC.
Mu gace ka kane ari nako ka nyuma, ntabwo nako kahiriye ikipe ya APR BBC kuko kaje kwegukanwa n’ikipe ya Patriots BBC ku manota 13 ku 9, bituma igiteranyo kiba amanota 61 kuri 49.
Muri uyu mukino, umukinnyi Stephaun Branch wa Patriots BBC niwe watsinze amanota menshi kuko yatsinze amanota 16.
Umukino wa gatanu uteganyijwe kuri uyu wa gatanu taliki ya 20 Nzeri muri BK Arena.
Ibitekerezo
Ohereza igitekerezo
|
|
