Basketball: Patriots BBC itsinze APR BBC umukino wa mbere mu ya kamarampaka

Yanditswe na

Amon B. Nuwamanya

12-09-2024 - 00:20' | Ibitekerezo ( )

Umukino wa mbere mu ya kamaramappaka (Playoffs) wegukanywe n’ikipe ya Patriots BBC yuma yo gutsinda APR BBC amanota 83 kuri 71.

Ndayisaba Dieudonné wa Patriots BBC agerageza gutsinda

Ni imikino ya nyuma (Finals) izakinwa mu ruhererekane rw’imikino irindwi (Best of Seven) bivuze ko amakipe yombi agomba gutanguranwa imikino 7.

Prince Ibeh, Perry William na Branch Stephaun ni amwe mu mazima yari yitezwe cyane ku ruhande rwa Patriots BBC mu gihe APR BBC abakinnyi nka Isaiah Jaleel, Diarra Aliou Fadiala na Axel Mpoyo nabo bari bahanzwe amaso.

Isaiah Jaleel wa APR BBC niwe watangiye yinjiza amanota abiri y’uyu mukino, mu gihe Nyamwasa Bruno we yatsinze amanota atatu abanza ya Patriots.

Ni umukino wari urimo ihangana ku rwego rwo hejuru

Agace ka mbere k’umukino karangiye ikipe ya Patriots BBC iri imbere n’amanota 21 kuri 15 ya APR BBC ni ukuvuga ko harimo ikinyuranyo cy’amanota 6 gusa.

Mu gace ka kabiri, ikipe ya Patriots BBC yafatiyeho kuko ntiyigeze iha umwanya wo guhumeka ikipe ya APR BBC kuko aka gace nako yakegukanye ku manota 31 mugihe ikipe ya APR BBC yo yari imaze gutsinda amanota 13. Aha amanota yose hamwe yari amaze kuba 52 kuri 28 ya APR BBC.

Ni ku nshuro ya mbere aya makipe yombi ahuriye ku mikino wa nyuma mu mateka.

Ubwo bari bavuye kuruhuka, ikipe ya APR BBC yaje ishaka gukuramo ikinyuranyo kuko wabonaga ikina neza ndetse biranayihira kuko yegukanye agace ka gatatu ku manota 22 kuri 16 gusa Patriots BBC yari ikiri imbere mu giteranyo.

Mu gace ka kane ari nako ka nyuma, niho ibintu byongeye gukomera kuko ikipe ya APR BBC yakomeje kotsa igitutu Patriots BBC binyuze ku bakinnyi bayo nka Isaiah Miller ndetse na Diarra Aliou bituma inegukana aka gace ku manota 21 kuri 15.