Basketball: Kigali Titans yegukanye igikombe nyuma yo gutsinda Orion

Imikino yo mu cyiciro cya kabiri muri Basketball, yasojwe igikombe cyegukanywe na Kigali Titans ihigitse Orion nyuma yo kuyitsinda ubwa 2 mu mukino wa kamarampaka, wabereye muri BK ARENA, aho ikipe ya Kigali Titans yawegukanye itsinze Orion amanota 65 kuri 64.

Ku nshuro ya mbere ikiciro cya kabiri gikinwe, igokombe cyegukanywe na K Titans
Ku nshuro ya mbere ikiciro cya kabiri gikinwe, igokombe cyegukanywe na K Titans

Wari umukino wa kabiri bakinaga wikurikiranya, nyuma y’uko ubanza wari warangiye n’ubundi Titans itsinze Orion amanota 73 kuri 70, nk’uko amategeko abigena amakipe yagombaga gutanguranwa imikino itatu muri kamarampaka (Playoffs Best of three), aho ikipe itanze indi imikino nibura 2 ihita yegukana igikombe bidasubirwaho.

Kigali Titans yabigezeho ku mugoroba wok u wa Gatandatu tariki 23 Nyakanga 2022, nyuma yo gutsinda umukino wa kabiri, ndetse ihita inahabwa igikombe cy’icyiciro cya kabiri cyakinwaga ku nshuro ya mbere.

Muri uyu mukino umukinnyi Eli Cave wa Kigali Titans, ni we watsinzemo amanota menshi kuko yatsinzemo 22 wenyine, mu gihe Mwanabene Fortunate wa Orion we yatsinze amanota 19.

Nyirishema Richard ashyikiriza igikombe kapiteni wa Kigali Titans
Nyirishema Richard ashyikiriza igikombe kapiteni wa Kigali Titans

Umuyozi wungirije ushinzwe amarushanwa muri Federasiyo ya Basketball mu Rwanda, Nyirishema Richard, avuga ko bishimiye kuba icyiro cya kabiri bakinaga ku nshuro ya mbere cyaragenze neza.

Ati “Icyo twakwishimira cyane ni uko byagenze neza, umwaka wa mbere twari dutangije icyiciro cya kabiri twabonye amakipe menshi, ndetse yewe twabonye no kwigaragaza kw’amwe mu makipe atari azwi, rero ni ibyo kwishimira”.

Akomeza avuga ko hanagaragaye impano nyinshi ndetse na bamwe mu bakinnyi batabonaga umwanya mu cyiciro cya mbere, babonye uko bigaragaza.

Ati “Muri iki cyiro habayeho ihangana kuko yari amakipe menshi haboneka n’impano zitandukanye, ndetse byongera no gufasha bamwe mu bakinnyi batabonaga mwanya uhagije wo gukina mu kiciro cya mbere, barakina bazamura urwego”.

Orion Basketball Club yabaye iya 2 yegukana miliyoni ebyiri
Orion Basketball Club yabaye iya 2 yegukana miliyoni ebyiri

Ikipe yabaye iya mbere (Kigali Titans), yahawe igikombe na miliyoni eshatu, naho Orion yatsindiwe ku mukino wa nyuma ihabwa miliyoni ebyiri.

Eli Cave ni we mukinnyi wahize abandi (MVP)
Eli Cave ni we mukinnyi wahize abandi (MVP)
Mwanabene Fortunate wamabye 00 agerageza gutsinda amanota
Mwanabene Fortunate wamabye 00 agerageza gutsinda amanota
Umeadi Emmanuel wa Titans ni umwe mu bakinnyi bitwaye neza
Umeadi Emmanuel wa Titans ni umwe mu bakinnyi bitwaye neza

Abafana ba Kigali Titans bari babukereye
Abafana ba Kigali Titans bari babukereye
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka