BAL2021: Patriots BBC yafunguye irushanwa inyagira Rivers Hoopers yo muri Nigeria

Ikipe ya Patriots BBC yatangiye irushanwa rya Basketball Africa League itsinda Rivers Hoopers amanota 83 kuri 60.

Ni umukino wabaye kuri iki Cyumweru tariki ya 16 Gicurasi 2021 muri Kigali Arena, ni umukino wafunguraga irushanwa rikinwa ku nshuro yaryo ya mbere ku mugabane wa Afurika.

Abakinnyi batanu ba Patriots BBC babanje mu Kibuga.

Sagamba Sedar, Gasana Kenneth, Wamukota Bush, Ndizeye Ndayisaba Dieudonné Gaston na Brandon Costner.

Ni umukino ikipe ya Patriots BBC yinjiyemo itinze kuko Rivers Hoopers yatsinze agace ka mbere ku manota 18 kuri 17 ya Patriots BBC. Agace ka kabiri Patriots BBC yagarutse mu mukino byihuse maze abakinnyi nka Steven Hagumintwari, Brandon Costner bakora ikinyuranyo muri ako gace Patriots BBC yatsinzemo amanota 26 kuri 16 ya Rivers Hoopers.

Nyuma yo kuva mu kiruhuko umutoza wa Patriots BBC Alan Major yatangiye gukora impinduka aho icyamamare mu muziki J Cole, yinjiye mu kibuga aka gace karangiye Patriots BBC itsinzemo amanota 22 ku manota 10 ya Rivers Hoopers.

J Cole
J Cole

Agace ka kane kwabaye kuryoshya umukino kuko karangiye Patriots BBC itsinze amanota 18 kuri 14 ya Rivers Hoopers igiteranyo cyose kiba amanota 83 kuri 60 ya Patriots BBC. Intangiriro nziza ku ikipe iri mu rugo ndetse n’icyizere ku Banyarwanda.

Mu gutsinda amanota menshi umukinnyi wa Patriots BBC, Brandon Costner yatsinze amanota 22 akaba ari na we wayoboye abatsinze menshi mu mukino.

Ikipe ya Patriots BBC iri mu itsinda rya Mbere hamwe na Rivers Hoopers yo muri Nigeriya US Monastir yo muri Tunisie na GNBC y muri Madagascar. Patriots BBC izagaruka mu kibuga kuwa Gatatu tariki ya 19 Gicurasi 2021 ikina na GNBC yo muri Madagascar saa 02:00 zo mu Rwanda.

Gahunda y’imikino ya Patriots BBC muri BAL

Imikino iteganyijwe kuwa Mbere tariki ya 17 Gicurasi 2021

- 02:00: As Douanes vs GS Petrolies (Itsinda rya Gatatu)
- 05:30: Zamalek vs Feroviario de Maputo (Itsinda rya Gatatu)
- 21:00: US Monastir vs GNBC (Itsinda rya Mbere)

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka