APR na Patriots zitwaye neza ku munsi wa kabiri wa Zone 5

Ikipe ya APR y’abakobwa, na Patriots y’abagabo zatsinze imikino y’umunsi wa kabiri mu irushanwa rya zone 5 muri Basket riri kubera muri Uganda

Mu Mujyi wa Kampala/Uganda hakomeje kubera irushanwa rihuza ibihugu bigize akarere ka gatanu k’imikino muri Afurika (Zone 5) mu mukino wa Basketball, aho u Rwanda ruhagarariwe na APR BBC mu bagore, na Patriots BBC mu bagabo, aya makipe akaba ari yo yegukanye ibikombe bya Shampiona ishize mu Rwanda.

Ikipe ya APR yari yatsinzwe umukino wa mbere
Ikipe ya APR yari yatsinzwe umukino wa mbere

Ikipe ya APR yari yatsinzwe umukino wa mbere na KCCA yo muri Uganda amanota 57-45, yaje kwikosora kuri uyu wa mbere itsinda ikipe ya Don Bosco yo muri Tanzania ku manota 84 kuri 74.

Ikipe ya Don Bosco ntiyabashije kwikura imbere ya APR
Ikipe ya Don Bosco ntiyabashije kwikura imbere ya APR

Patriots ihagarariye u Rwanda yo ku munsi wa mbere yari yatsinze ikipe ya Hawasa City yo muri Ethiopia amanota110 kuri 43, Patriots uyu munsi yongeye gutsinda umukino wa kabiri, aho yatsinze ikipe ya Savio yo muri Tanzania ku manota.

Hakizimana Lionnel wa Patriots ahanganye n'abakinnyi ba Savio
Hakizimana Lionnel wa Patriots ahanganye n’abakinnyi ba Savio

Agace ka mbere kari karangiye ari amanota 19 kuri 19, agace ka kabirI karangira Patriots iri imbere na 39 kuri 22 Savio, aka gatatu karangira ari 59 kuri 34 Savio, umukino wose urangira Patriots yegukanye intsinzi n’amanota 79 kuri 50 ya Savio.

Kami Kabange wa Patriots yatsinze amanota 12 muri uyu mukino
Kami Kabange wa Patriots yatsinze amanota 12 muri uyu mukino

Uko amatsinda apanze

Abagabo

Itsinda A:

1- Hawassa City (Ethiopia)
2- City Oilers (Uganda)
3- Savio (Tanzania)
4- PATRIOTS BBC (Rwanda)

Itsinda B:
1- Betway Power (Uganda)
2- Gondar City (Ethiopia)
3- ABC (Tanzania)
4- KPA (Kenya)

Mu bakobwa , aho amakipe yose azahura harebwe iya mbere, hakaba haritabiriye amakipe akurikira:

1- UCU (Uganda)
2- KPA (Kenya)
3- KCCA (Uganda)
4- APR Women (Rwanda)
5- EQUITY Bank (Kenya)
6- DON BOSCO (Tanzania)
7- HORSEED (Somalia)

Uko imikino yose yari yagenze ku munsi wa mbere

Abagore

KCCA 57-45 APR
UCU 108-42 Horseed
Equity 70-48 Don Bosco

Abagabo

City Oil 93-46 Savio
Hawasa 43-110 Patriots
KPA 108-35 Gondar City
Power 87-55 ABC

kigalitoday android app mobile

Ibitekerezo   ( 1 )

Icyipe yacu turayi shyigicyiye

Niyo fistor yanditse ku itariki ya: 3-10-2017  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka