AfroBasket: U Rwanda ruratangira rucakirana na Kenya

Irushanwa ry’Akarere ka Gatanu muri Basketball y’abagore riratangira kuri uyu wa Mbere muri Kigali Arena aho ikipe y’ u Rwanda itangira yesurana na Kenya.

Imyitozo ya nyuma yakorewe ku Cyumweru muri Kigali Arena ari na ho iyi mikino ibera
Imyitozo ya nyuma yakorewe ku Cyumweru muri Kigali Arena ari na ho iyi mikino ibera

Ni irushanwa ritangira kuri uyu wa Mbere tariki ya 12 kugeza ku itariki ya 17 Nyakanga 2021 muri Kigali Arena aho ibihugu bine ari byo bigomba kwitabira imikino. Ibyo ni u Rwanda , Kenya, South Sudan na Misiri.

Ikipe y’u Rwanda imaze iminsi yitegura irushanwa aho umutoza wayo, Dr Cheick Sarr, yahamagaye abakinnyi b’abanyarwandakazi beza bose bakina hanze barimo Ineza Sifa Joyeuse, Butera Hope, Murekatete Bella n’abandi. Abandi bakinnyi bitezwe ku ruhande rw’u Rwanda harimo abakina imbere mu gihugu barimo Micomyiza Rosine bakunda kwita Cisse , Urwibutso Nicole na Imanizabayo Rosine.

Minisitiri wa Siporo Madame Aurore Mimosa Munyangaju yasuye ikipe ku Cyumweru anakurikirana imyitozo yayo mu rwego rwo kubashyigikira no kubatera imbaraga mbere y’uko bakina umukino wa mbere.

Minisitiri wa Siporo, Aurore Mimosa Munyangaju, yasuye ikipe mu myitozo ku Cyumweru
Minisitiri wa Siporo, Aurore Mimosa Munyangaju, yasuye ikipe mu myitozo ku Cyumweru

Gahunda yo kuri uyu wa Mbere tariki ya 12 Nyakanga 2021

 15:00: Sudani y’Epfo irakina na Misiri
 18:00: U Rwanda rurakina na Kenya

Ikipe y'abagore y'u Rwanda yiteguye neza imikino y'Akarere ka Gatanu
Ikipe y’abagore y’u Rwanda yiteguye neza imikino y’Akarere ka Gatanu
kigalitoday android app mobile

Ibitekerezo   ( 1 )

Ncaka akazi

Twagirihirwe yanditse ku itariki ya: 13-07-2021  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka