U Rwanda ruzahangana n’ikipe imwe mu mikino y’akarere ka Gatanu

Ikipe y’igihugu y’u Rwanda y’abatarengeje imyaka 16 mu mukino w’intoki wa Basketball ikomeje kwitegura imikino y’akarere ka Gatanu yagombaga kubera mu Rwanda kuva taliki ya 25 Gicurasi 2015, ubu yamaze kwimurirwa taliki ya 30-31 Gicurasi 2015

Nyuma y’aho ikipe ya Eritrea y’abatarengeje imyaka 16 mu mukino wa Basketball itangaje ko itazitabira imikino y’akarere ka Gatanu izabera mu Rwanda, ubu igihugu cya Ethiopia cyamaze kwemera kuza kwitabira iyo mikino ndetse inigizwa imbere ho icyumweru.

Aba bana bashakiwe imikino ya gicuti mu mpera z
Aba bana bashakiwe imikino ya gicuti mu mpera z’iki cyumweru

Abakobwa b’u Rwanda bo bamaze kubona iyo tike badakinnye, kuko andi makipe yo mu karere yabuze, bakaba barimo gushakirwa imikino ya gicuti kugirango Afrobasket yabo izabera muri Madagasacar muri Nyakanga izagera bameze neza.

Mu rwego rwo kwitegura iyo mikino aya makipe y’u Rwanda mu bakobwa n’abahungu yashakiwe imikino ya Gicuti aho mu mpera z’iki cyumweru ikina na PJB - Goma (Promo Jeune Basket).

Ntibarengeje 16 , gusa n
Ntibarengeje 16 , gusa n’isura ishobora kuba umuhamya

Uko imikino ya Gicuti iteye

Ku wa gatandatu taliki ya 23/05/2015

16.00 - Rwanda U16 # PJB (Abagore)
18.00 - Rwanda U16 # PJB (Abagabo)

Ku cyumweru, 24/05/2015

15.00 - PJB # Rwanda U16 (Abagore)
17.00 - PJB # Rwanda (Abagabo)

Abatarengeje imyaka 16 bakomeje imyitozo kuri Stade Amahoro
Abatarengeje imyaka 16 bakomeje imyitozo kuri Stade Amahoro

Iyi mikino iri mu rwego rwo guhatanira itike ya Afrobasket 2015 izabera muri Mali (Abagabo) no muri Madagascar (Abagore) muri Nyakanga 2015.

Sammy IMANISHIMWE

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka