Minisitiri Nyirasafari yashinzwe ibikorwa birimo Stade ntoya izakira abantu 10,000

Mu muhango w’ihererekanyabubasha hagati ya Min Nyirasafari na Madamu Uwacu Julienne asimbuye, Minisitiri Uwacu yamurikiwe ibikorwa byari byaratangiwe birimo Stade ntoya igiye kubakwa

Ni umuhango watangiye Saa Cyenda n’iminota icumi, aho Min Uwacu Julienne ucyuye igihe yabanje gushimira Perezida wa Republika wamuhaye icyizere n’amahirwe byo kuyobora MINISPOC, akomeza yereka Minisitiri mushya bimwe mu bikorwa bya Ministeri ndetse n’ibigo biyishamikiyeho, anatangaza ko aho agiye azakomeza gukorera igihugu.

Yagize ati"Gukorera igihugu ntibiterwa n’umwanya umuntu arimo, imihigo ni imwe tugomba gukorera igihugu aho turi hose.

JPEG - 3.6 Mb
Madamu Uwacu Julienne yifuriza ishya n’ihirwe Minisitiri Nyirasafari

Yashimiye kandi abo bakoranye muri Ministeri ndetse, Komite Olempike, ndetse n’ibigo bine biyishamikiyeho ari byo ingoro z’umurage, ikigo gishinzwe impeta n’imidari y’ishimwe, inteko nyarwanda y’ururimi n’umuco
Ishyinguranyandiko ndetse n’ikigo cy’’inkoranyabitabo kidafite umuyobozi, na federasiyo 33.

JPEG - 44.5 kb
Mu muhango w’ihererekanyabubasha wabaye kuri uyu wa Mbere

Minisitiri mushya yamenyeshejwe imishinga ikomeye igomba kwitabwaho

Hari imishinga yatangiye, inyubako ya Stade nto igiye kubakwa izakira ibihumbi 10, ikazakoreshwa n’ibindi bikorwa by’imyidagaduro,.

Mu yindi mishinga yamumurikiye harimo gahunda yo kubaka Stade mu ntara yatangiye by’umwihariko mu karere ka Nyagatare, Ngoma na Bugesera.

Mu byo Ministiri Nyirasafari azibandaho, harimo no kureba uko uburinganire n’ubwuzuzanye bihagaze muri MINISPOC

Nyirasafari yabanje gushimira Perezida wa Republika ku cyizere yongeye kumugirira, nyuma y’imyaka ibiri ari muri Ministeri y’uburinganire n’iterambere ry’umuryango Ministiri Uwacu ku kazi yakoze ndetse n’abandi bafatanyabikorwa, aho yatangaje ko abona bagiye gutangirira ku musingi ufatika.

Yatangaje ko kandi azareba uko uburinganire n’ubwuzuzanye buhagaze muri MINISPOC.

Aranateganya ko byose bizubakirwa ku bakiri bato, Siporo ya bose guhera mu tugari, ndetse n’ubufatanye n’inzego zishamikiye kuri Ministeri agiye kuyobora.

JPEG - 4.2 Mb
Minisitiri Nyirasafari yatangiye akazi gashya asura abakobwa bari gutozwa n’abatoza baturutse muri Arsenal
JPEG - 3.8 Mb
JPEG - 366.9 kb
Bafata ifoto y’urwibutso
JPEG - 215.5 kb
Minisitiri Nyirasafari yavuze ko azubakira Siporo ku bakiri bato
JPEG - 377.5 kb
JPEG - 286.7 kb
JPEG - 214.7 kb

Minisitiri Uwacu Julienne yari amaze imyaka itatu ku buyobozi bwa MINISPOC

Madamu Uwacu Julienne yatangiye akazi ku mugaragaro tariki ya 09/03/2015 mu muhango w’ihererekanyabubasha hagati ye na Amb. Joseph Habineza yari asimbuye kuri uwo mwanya.

Ubwo Madamu Uwacu Julienne yavugaga ijambo rye rya mbere nka Ministiri w’umuco na Siporo, yatangaje ko mu byo agomba kwihutira ari ukubaka umupira ushingiye ku banyarwanda, kwirinda uburozi muri Siporo, ndetse no gushaka itike yo gukina igikombe cy’Afurika.

Yagize ati “Minisitiri ni umuntu ashobora kujyaho akanavaho ariko Minisiteri igahoraho. Ibyiza Amb Habineza yari yaratangije tugomba kubikomeza, haba kwitegura CHAN ndetse no gukomeza gushaka itiki izatwerekeza mu gikombe cy’afurika,” Minisitiri Uwacu.

“Tugomba kubaka umupira ushingiye ku banyarwanda, nta na rimwe tuzigera duha umwanya abakina umupira ushingiye ku mahirwe kandi sinumva ko umupira wajya kujya mu izamu amarozi akawukatisha”.

Ku wa kane tariki ya 18 Ukwakira 2018, Perezida Kagame mu bubasha ahabwa n’amategeko nibwo yavuguruye Guverinoma, asimbuza Uwacu Julienne muri iyi Minisiteri hashyirwamo Min Nyirasafari Esperance wari Min w’Uburinganire n’iterambere ry’umuryango.

PROMOTED STORIES

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka