Muri iyi mikino iteganyijwe hagati ya tariki 2 n’iya 4 Kamena 2023 hazakinwa umupira w’amaguru ndetse na Basketball. Mu mupira w’amaguru hazitabira amakipe atandatu ariyo RBC, Ubumwe Grande Hotel, RwandAir, Banki ya Kigali, Ikigo cy’Igihugu cy’Ibarurishamibare (NISR) na Eawassca izaturuka muri Kenya, iyi mikino ikazakinirwa ku bibuga bya Ruyenzi, IPRC-Kigali, Mumena mu gihe imikino ya nyuma izakinirwa kuri Kigali Pele Stadium.

Mu mukino wa Basketball hazitabira amakipe ane arimo Rwanda Energy Group(REG BBC), Ikigo cy’Igihugu cy’Ubwiteganyirize (RSSB), Kaminuza y’u Rwanda (UR BBC) n’Umujyi wa Kigali, imikino ikazakinirwa kuri IPRC-Kigali ndetse no kuri Club Rafiki izakira imikino ya nyuma.

Ni imikino yateguwe mu gihe u Rwanda n’Isi muri rusange, bari mu minsi 100 yo Kwibuka ku nshuro ya 29 Jenoside yakorewe Abatutsi mu 1994.

Gahunda y’imikino:

Uko imikino ibanza izakinwa tariki 2 Kamena 2023:

RBC FC vs BK FC (15h00, Mumena)
Ubumwe Grande Hotel vs NISR FC (15h, Ruyenzi)
Rwandair FC vs Eawassca FC (15h00, IPRC-Kigali)
Uko imikino ibanza izakinwa tariki 3 Kamena 2023:
RBC FC/BK FC vs Rwandair/Eawassca FC (15h00, IPRC-Kigali)
Ubumwe Grande Hotel/NISR vs Best loser (15h00, Mumena)

Tariki 4 Kamena 2023:

Umukino wo guhatanira umwanya wa gatatu uteganyijwe ku isaha ya saa tatu za mu gitondo kuri Kigali Pelé Stadium mu gihe umukino wa nyuma uteganyijwe ku isaha ya saa yine n’igice n’ubundi kuri iyi stade.

Uko imikino izakinwa muri Basketball:

Tariki 2 Kamena 2023:

REG vs Cok (15h00, IPRC-Kigali)
RSSB vs UR (16h30, IPRC-Kigali)
Tariki 4 Kamena 2023:

Umwanya wa gatatu uzakinwa saa tatu za mu gitondo, umukino wa nyuma uzakinwa saa tanu z’amanywa, iyi mikino yose ikazabera kuri Club Rafiki.