Iby’ingenzi bitegerejwe mu mpera z’iki cyumweru mu mikino mu Rwanda


Umupira w’amaguru

Guhera kuri uyu wa Gatanu shampiyona y’icyiciro cya mbere mu mupira w’amaguru iraba igeze ku munsi wa 18, aho hategerejwe bamwe mu bakinnyi bavuye mu makipe yo hanze bazaba batangira gukina.

APR FC iri i Rubavu aho izakinira na Etincelles kuri uyu wa Gatandatu
APR FC iri i Rubavu aho izakinira na Etincelles kuri uyu wa Gatandatu
Rayon Sports irakira ESPOIR FC kuri Stade ya Kigali i Nyamirambo
Rayon Sports irakira ESPOIR FC kuri Stade ya Kigali i Nyamirambo

Ikipe ya APR FC iyoboye urutonde rwa shampiyona by’agateganyo izaba yerekeje I Rubavi aho izakirwa na Etincelles, naho Rayon Sports ya kabiri izakire ESPOIR FC iheruka gutsindira Kiyovu Sports i Kigali.

Imikino iteganyijwe

Ku wa Gatanu tariki 17/01/2020

Bugesera FC vs AS Kigali

Ku wa Gatandatu tariki 18/01/2020

Etincelles Fc vs APR Fc
Rayon Sports vs ESPOIR FC
Heroes FC vs Marines

Ku Cyumweru tariki 19/01/2020

Gasogi United vs AS Muhanga
Gicumbi FC vs Police Fc
Musanze Fc vs Mukura vs
Sunrise Fc vs Kiyovu Sports

Inteko rusange ya Rayon Sports

Kuri uyu wa Gatandatu hateganyijwe inama y’inteko rusange ya Rayon Sports, inama biteganyijwe ko izabera kuri Muhazi, ikazasuzuma ingingo zirimo raporo y’ibikorwa, kuzuza inzego z’umuryango wa Rayon Sports, kuvugurura amategeko shingiro n’amategeko ngengamikorere ya Rayon Sports ndetse no gushinga sosiyete ya Rayon Sports.

Volleyball

Volleyball, hategerejwe umukino wa UTB na Gisagara
Volleyball, hategerejwe umukino wa UTB na Gisagara

Mu mpera z’iki cyumweru shampiyona y’umukino w’intoki wa Volleyball iraba ikomeza, aho umukino utegerejwe ari umukino uzahuza REG VC na Gisagara VC, umukino uzaba ku wa Gatandatu Saa kumi n’ebyiri muri Petit Stade Amahoro.

Imikino iteganyijwe

Basketball

Patriots na IPRC Kigali, baracakirana kuri uyu munsi wa mbere wa shampiyona
Patriots na IPRC Kigali, baracakirana kuri uyu munsi wa mbere wa shampiyona

Kuri uyu wa Gatanu ni bwo shampiyona ya Basketball mu Rwanda iza gutangira (BK Basketball National League), aho izatangira APR BBC ikina na Espoir BBC, naho Patriots ifite iki gikombe ikazahura na RP-IPRC Kigali.

Imikino iteganyijwe

Huye Half Marathon

Kuri uyu wa Gatandatu,mu karere ka Huye hateganyijwe isiganwa ku maguru ry’igice cya Marathon, aho abasiganwa bazasiganwa intera ingana na Kilomtero 21, bakazahagurukira imbere y’inzu y’imberabyombi- ku Biro by’Akarere- Hoteli Galileo- Petit Seminaire Karubanda- ku Rwibutso rwa Jenoside rwa Ngoma- Ku Ivuriro rya Polisi- ku Ibarabara rya gatatu- ku muhanda wa Kaburimbo- Ecole Primaire y’i Ngoma- Ku kibuga cy’indege- Iposita ya Butare- ku Biro bya RRA- ku isoko- ku Bitaro bya Kaminuza ya Butare ‘CHUB’, Hoteli Barthos- Hoteli Credo- mu Cyarabu- Casa Hotel – bazagaruke aho yahagurukiye ku nzu mberabyombi, iyi nzira ikazakorwa inshuro ebyiri, maze basoreze kuri Sitade Huye.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka