Kuri iki cyumweru imbere ya Stade ya Kigali i Nyamirambo nibwo hasozwaga irushanwa ryiswe Rwanda Cycling cup 2015,irushanwa ryatangiye taliki ya 04 Mata 2015,irushanwa ryari ryashyizweho kugira ngo rizamure impano z’abandi bakinnyi badakunze kubona amarushanwa menshi yo gukina.

Nsengimana Bosco wahize abandi muri Rwanda Cycling cup 2015

umukinnyi wa Benediction azamuka i Nyamirambo

Iri siganwa,ryari rigizwe n’amarushanwa 12,aho byibuze buri kwezi hagiye haba irushanwa rimwe,mu gihe muri uku kwezi kwa cumi hakinwe amarushanwa yari agamije gutegura Tour du Rwanda 2015,aho hifashishijwe inzira zizakoreshwa n’ubundi muri Tour du Rwanda.

Nsengimana Bosco ahabwa igihembo cy’uwatsinze irushanwa ryose

Nsengimana Bosco ukinira Benediction y’i Rubavu,niwe waje gusoza aya marushanwa ari imbere y’abandi,nyuma yo gukusanya amanota 211,akurikirwa na Patrick Byukusenge wa Benediction,ndetse na Joseph Aleluya wa Les Amis Sportifs.

Benediction y’i Rubavu ni nayo yabaye ikipe ya mbere

Perezida wa Ferwacy AImable Bayingana ashimira Benediction y’i Rubavu

Benediction ihabwa igihembo

Cogebanque ishimira ikipe ya Les Amis Sportifs nayo yitwaye neza muri aya marushanwa

Ku munsi wa nyuma w’aya marushanwa,abakinnyi bahagurutse i Rubavu berekeza mu mujyi wa Kigali ku ntera y’ibilometero 165,maze Nsengimana Jean Bosco aza kurisoza ku mwanya wa mbere.

Nsengimana Bosco ni nawe wa mbere mu batarengeje imyaka 23

Bimwe mu bihembo byatanzwe

Benediction na Cogebanque,umuterankunga w’irushanwa

Abakinnyi ba Les Amis Sportifs na Cogebanque ibatera inkunga

Uko bakurikiranye mu isiganwa rya nyuma Rubavu-Kigali

1. Jean Bosco Nsengimana (Benediction) 4:16:02
2. Patrick Byukusenge (Benediction) 4:17:28
3. Joseph Aleluya (Les Amis Sportifs) 4:17:28
4. Abraham Ruhumuriza (CCA) 4:17:51
5. Gasore Hategeka (Benediction) 4:18:48

Sammy IMANISHIMWE