Amagare: Hadi Janvier na Ndayisenga Valens ku rutonde rw’abazatoranywamo umukinnyi w’umwaka muri Afurika

Abakinnyi babiri b’u Rwanda Hadi Janvier na Ndayisenga Valens, bashyizwe ku rutonde rw’abakinnyi 24 bitwaye neza muri uyu mwaka, bakazatorwamo uwa mbere muri Afurika mu mwaka wa 2013.

Urutonde rw’abakinnyi 24 bagomba gutorwamo uwitwaye neza muri Afurika, rwashingiye ahanini ku buryo abo bakinnyi bitwaye muri shampiyona nyafurika iheruka kubera mu Misiri, yarangiye Hadi Janvier w’u Rwanda yegukanye umwanya wa gatanu muri rusange, n’umwanya wa gatatu mu batarengeje imyaka 23.

Icyo gihembo kigiye gutangwa ku nshuro ya kabiri nyuma y’icyahawe umunya Erirea Natnael Berhane ubu ukina mu Bufaransa mu ikipe ya Europcar nk’uwabigize umwuga, uyu mwaka kizatangwa nyuma y’amatora azakorwa n’impuguke mu mukino w’amagare ku isi.

Hadi Janvier wigaragaje cyane mu ikipe y'u Rwanda muri uyu mwaka, ari mu bahatanira igihembo cy'umukinnyi w'umwaka muri Afurika.
Hadi Janvier wigaragaje cyane mu ikipe y’u Rwanda muri uyu mwaka, ari mu bahatanira igihembo cy’umukinnyi w’umwaka muri Afurika.

Mu bagira uruhare mu guhitamo no gutora umukinnyi witwaye neza harimo umufaransa Bernard Hinault wigeze kwegukana isiganwa ‘Tour du France’ inshuro enye, abatoza b’umukino w’amagare, abategura amasiganwa y’amagare akomeye ku isi ndetse n’abanyamakuru b’inzobere mu mukino w’amagare.

Mu matora y’uyu mwaka, Umwongereza Chris Froome wagukanye ‘Tour de France’ y’uyu mwaka, nawe ari mu bazatora.

Dore Abakinnyi 24 bazatoranywamo umukinnyi w’umwaka wa 2013, hamwe n’ibihugu bakomokamo ndetse n’amakipe bakinira:

1. Abelouache Essaid Umunya Maroc w’imyaka 33, akaba akinira ikipe y’igihugu ya Maroc.

2. Barbari Adil , Umunya Algérie w’imyaka 20 akaba akinira Vélo-Club Sovac yo muri Algeria.

3. Berhane Natnael , umunya Eritrea w’imyaka 22 , akaba akinira ikipe ya Europcar mu Bufaransa.

4. Chabane Hichem, Umunya Algérie w’imyaka 25, akaba akinira Vélo-Club Sovac yo muri Algeria.

5. Chtioui Rafaa, Umunya Tunisie w’imyaka 27 akinira ikipe y’igihugu a Tunnisie.

6. Cisse Issiaka, umunya Côte d’Ivoire w’imyaka 22, akinira Centre Mondial UCI yo mu Busuwisi.

7. Debesay Mekseb Umunya Eritrea w’imyaka 22 akaba akinira MTN-Qhubeka muri Afurika y’Epfo.

8. Eyob Metkel , umunya Eritrea w’imyaka 20, akaba akinira ikipe y’igihugu ya Eritrea.

Abakinnyi b'abanya Eritrea nibo biganje ku rutonde rw'abahatanira icyo gihembo.
Abakinnyi b’abanya Eritrea nibo biganje ku rutonde rw’abahatanira icyo gihembo.

9. Girdlestone Dylan Umunya Afurika y’Epfo w’imyaka 24 akinira Westvaal yo muri Afurika y’Epfo.

10. Grmay Tsgabu, umunya Ethiopia w’imyaka 22 akinira MTN-Qhubeka muri Afurika y’Epfo.

11. Hadi Janvier, umunyarwanda w’imyaka 22 akinira ikipe y’ u Rwanda.

12. Haddi Soufian umunya Maroc w’imyaka 22 akinira ikipe y’igihugu ya Maroc.

13. Hannachi Abdelbaset , umunya Algeria w’imyaka 28 akinira GSP Algérie yo muri Algeria.

14. Impey Daryl umunyafurika y’Epfo Afrique w’imyaka 28 , akinira Orica-GreenEdge yo muri Australia.

15. Janse van Rensburg Reinhardt umunyafurika y’Epfo w’imyaka 24 akinira Argos-Shimano.

16. Jelloul Adil, umunya Maroc w’imyaka 31 akinira ikipe y’igihugu ya Maroc.

17. Kudus Merhawi , umunya Eritrea w’imyaka 19 akinira Centre Mondial UCI mu Busuwisi.

18. Lagab Azzedine, umunya Algeria w’imyaka 25 akinira GSP Algérie.

19. Meintjes Louis , umunyafurika y’Epfo w’imyaka 21 akinira MTN-Qhubeka yo muri Afurika yEpfo.

20. NDAYISENGA Valens , umunyarwanda w’imyaka 19 akinira u Rwanda.

21. Nikiema Abdoul Aziz , Umunya Burkina Faso w’imyaka 24 akinira ikipe y’igihugu ya Burkina Faso.

22. Ngue ngock Yves, umunya Cameroun w’imyaka 24 akinira AVC Aurillac yo mu Bufaransa.

23. Okubamariam Tesfom , umunya Eritrea w’imyaka 22 akinira MTN-Qhubeka muri Afurika y’Epfo.

24. Teklehaimanot Daniel umunya Eitrea w’imyaka 25 akinira Orica-GreenEdge muri Australia.

Theoneste Nisingizwe

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka