Eng Didier Giscal Sagashya, Umuyobozi mukuru wungirije ushinzwe umutungo kamere akaba n’ukora mu ishami ryo kwifashisha ikarita mu gihe ushaka kugenzura umutungo kamere, yatangaje ko umutungo kamere wose ugomba gutangirwa amakuru y’uko byifashe.

Yavuze ko ayo makuru agomba kuba avuye mu kigo kimwe gusa, bitandukanye na cyera aho kugira ngo umuntu abone amakuru byasabaga kujya muri buri kigo kandi bakaguca n’amafaranga.

Yagize ati: “Icyo tugamije ni uko twahuriza hamwe amakarita n’ibipimo mu buryo bwo guhanahana amakuru, bityo bigakorwa n’ahantu runaka kandi mu buryo bwemeranijwe n’ibigo bifite inshingano ku mutungo kamere.”

Yongeyeho ko mu kubarura ubutaka ukoreshe ikarita bikorwa ku buryo bushimishje, ukurikije ubwahozeho ku buryo umuturage ufite ishyamba nibura hegitari 0,25, ribasha kugaragara ku ikarita mu mashyamba yabaruwe.

Bamwe mu bitabiriye aya mahugurwa baturuka mu kigo kibarizwamo umutungo kamere w’ibihugu bitandukanye byamaze kwishyira hamwe, mu rwego rwo kumenyekanisha uko watanga amakuru y’umutungo kamere ubajije ikigo kimwe cyatoranjwe, iki kigo kikaba kitwa RCMRD gikorera muri Kenya.

Ibindi bagamije kwigwaho muri aya mahugurwa azamara iminsi itatu ni uko hakorwa ikarita yerekana imihindagurikire y’ubutaka, dore ko mu ishyamba rya Nyungwe uko ubutaka bwanganaga ubu hasigaye 1/3 hakongerwa n’ikoranabuhanga rishingiye ku bumenyi bw’isi.

Emmanuel N. Hitimana