15 bakomeretse mu buryo bwroheje naho abandi babiri harimo uwari utwaye coaster n’umugore wari muriyo coaster bakomereka bikabije bahita bajyanwa mubitaro bya kaminuza bya Kigali (CHUK).

Ababonye iyi mpanuka iba bemeza ko indandaro yayo yatewe n’uko umushoferi wa coaster yataye umukono we ubundi akaza kugonga igice cy’inyuma cyiyi kamyo, n’ubwo nyuma y’impanuka byagaragaraga ko coaster iri mu mukono wayo.

Spt Emmanuel Hitayezu, umuvugizi wa police akaba n’umugenzacyaha mukuru muntara y’amajyaruguru abajijwe kuri iyi mpanuka ibaye mu gihe polisi ikiri mu kwezi kwahariwe kwita k’umutekano wo mu muhanda, yasobanuye ko ntakindi cyakorwa uretse kuguma bakigisha abashoferi kugira ngo barusheho kumenya agaciro kabantu baba batwaye.

Ati “Hashizweho ingamba y’uko mu gihe umuntu akoze impanuka bikagaragara ko yabigizemo uruhare, icyo gihe agomba kwakwa uruhusha rumwemerera gutwara abagenzi mu gihe runaka.”

Gusa ariko ngo mbere y’ibindi byose ni byiza ko abashoferi ubwabo bamenya ko abo batwaye ari abantu, bitandukanye n’uko baba batwaye ibindi bintu yaba ibicuruzwa cyangwa n’ibindi.

Abashoferi barakomeza gusabwa kumenya kugenda neza mu mihanda bakareka kujya bava mu mukono wabo ngo bajye muwundi, by’umwihariko bageze mu makoni kuko baba batazi niba hari ikinyabiziga kibaturutse imbere, bitewe n’uko baba batahareba.

Abdul Tarib