Uyu mugabo yafashwe tariki 06/12/2013 ku bufatanye bwa polisi n’ingabo ndetse n’abaturage aho avuga ko yaruranguraga mu mujyi wa Kigali nk’uko bivugwa na polisi.

Umuyobozi wa polisi mu karere ka Bugesera, Supt. Kinani Donat, avuga ko amakuru yatanzwe n’abaturage niko kujya iwe bamutunguye bamugwa gutumo bamufatana itwo dupfunyika.

Yagize ati “ turashima abaturage nibakomereze aho bajye abaduha amakuru kuko aribyo bituma dukumira ibyaha bitaraba”.

Minani watawe muri yombi yasezerewe mu ngabo afite ipeti rya Caporal, akomoka mu murenge wa Tumba mu kagari ka Rango mu mudududu w’Ubumwe mu karere ka Huye mu ntara y’amajyepfo.

Afungiye kuri sitasiyo ya polisi mu gihe biteganyijwe ko akorerwa idosiye maze akazashyikirizwa inkiko.

Egide Kayiranga