Abajijwe icyo avuga ku mpunzi z’Abanyecongo zivuga Ikinyarwanda zihohoterwa n’ingabo za Congo mu duce Nyatura irimo, yavuze ko ibyo atari abazi kandi atabyemeza. Gusa yakomeje kwmemeza ko umutwe wa Nyatura ari kimwe na M23 kandi inkunga bayikura hamwe.

Yavuze ko Leta ya Congo yiteguye kuzisubiza mu gihugu cyabo nyuma y’imishyikirano ihuje Leta ya Congo n’umutwe wa M23.

Impunzi zigera ku bihumbi bitanu z’Abanyecongo bavuga Ikinyarwanda, nizo zimaze kugera mu Rwanda zihunga ibikorwa by’ihohoterwa zikorerwa n’umutwe wa Nyatura n’ingabo za Congo mu gace ka Masisi.

Ibi bikorwa byarahereye mu duce M23 yari yarafashe nyuma yo kutuvamo ariko biza gufata intera aho hagiye hahohoterwa abavuga ikinyarwanda.

Ubu izo mpunzi ziri mu nkambi ya Nkamira nyuma y’uko inkambi ya Kigeme yuzuye, inyinshi mu mpunzi zaganiriye na Kigali today zayitangarije ko zahunze ibikorwa zikorerwa na Nyatura ibahora kuvuga ikinyarwanda.

Umugaba w’ingabo za Congo zirwanira k’umutaka, Gen Tango Fort, yahagaritswe azira kuba yaragurishaga intwaro imitwe yitwaza intwaro na Nyatura irimo, nk’uko byagaragajwe na raporo yakozwe n’impugucye z’umuryango w’abibumbye.

Sylidio Sebuharara